13 mausymda Mudarabah capital men Astex qarjy piramidalarynyŋ atyşuly ısı boiynşa sot otyrysy jalǧasty. Almaty sotynda memlekettık aiyptauşy vainer Meiırjan Törebaev pen Meiırhan Şerniiazovty 5 jylǧa bas bostandyǧynan aiyrudy sūrady, dep habarlaidy “Adyrna” ūlttyq portaly.
Is boiynşa prokuror Erlan Qūlanbaev Meiırjan Törebaev pen Meiırhan Şerniiazovqa taǧylǧan aiypty ışınara özgerttı. Memlekettık aiyptauşy olardy qylmystyq kodekstıŋ 217-baby 3-bölıgı 2-tarmaǧynda körsetılgen ärekettı jasady dep sanaidy.
Osylaişa ıs boiynşa 12 sottaluşyny da 5 jyldan 15 jylǧa deiıngı uaqytqa bas bostandyǧynan aiyrudy sūrady.
Almas Qūrmanǧalievke 15 jyl bas bostandyǧynan aiyru jazasy taǧaiyndalsyn;
Daniia Rahimovaǧa 15 jyl bas bostandyǧynan aiyru jazasy taǧaiyndalsyn;
Erjan Mansūrovqa 8 jyl bas bostandyǧynan aiyru jazasy taǧaiyndalsyn;
Erlan Mansūrov 8 jyl bas bostandyǧynan aiyru jazasy taǧaiyndalsyn;
Ruslan Būrqanovqa (Mudarabah Capital JŞS direktory) 12 jyl bas bostandyǧynan aiyru jazasy taǧaiyndalsyn;
Nūrlan Sūltanbaevqa 12 jyl bas bostandyǧynan aiyru jazasy taǧaiyndalsyn;
Andrei Chaǧa 12 jyl bas bostandyǧynan aiyru jazasy taǧaiyndalsyn;
Samat Qasenovke 12 jyl bas bostandyǧynan aiyru jazasy taǧaiyndalsyn;
Meiırjan Törebaev 5 jylǧa bostandyǧynan aiyru jazasy taǧaiyndalsyn;
Meiırhan Şerniiazovqa 5 jylǧa bostandyǧynan aiyru jazasy taǧaiyndalsyn, dedı memlekettık aiyptauşy.
Is boiynşa 12 sottaluşy bar.
Tergeu mälımetterı boiynşa, 2019 jyly bastapqyda Astex qarjylyq piramidasy qūryldy. Ony Qūrmanǧaliev özınıŋ tuysy Mansūrovtyŋ kömegımen baiu maqsatynda qūrǧan.
Qūrmanǧaliev qylmys josparyn qūryp, oǧan tuysy Erjan Mansūrovty tartty. Ärı qarai ūiymdasqan qylmystyq top qūrǧan. Mansūrov jeke müddesı üşın qarjy piramidasyn damytu boiynşa özınıŋ tuysy bergen tapsyrmalardy oryndaǧan. Mansūrov 2019 jyly öz atyna Astex JŞS-ny tırkegen. (...) Qūrmanǧaliev salymşylarǧa öz salymynyŋ jylyna uäde etılgen (aiyna 20 paiyzǧa deiın) 240 paiyzyn tölei almaitynyn bılıp, ūiymdasqan qylmystyq top qyzmetın jalǧastyrdy jäne jaŋa salymşylardy tartty. Sondai-aq jaŋa salymşylar sanyn ünemı köbeitıp otyru qajet ekenın tüsındı, - dedı memlekettık aiyptauşy Erlan Qūlanbaev.Prokuror qarjy piramidasyn qūruşylar tūrǧyndar arasynda senımdılık ornatu maqsatynda būl ıske tanymal adamdardy tartu turaly şeşım qabyldaǧanyn aitty. 2020 jyldyŋ nauryzynda būl ıske Ruslan Būrqanov, Andrei Cha, Bırjan Jarmūhamed, Samat Qasenov, Timur Rüstemov, Nūrlan Sūltanbaev, Meiırhan Şerniiazov pen Azimjan Saidbaevty tartty.
Būl adamdar ūsynylǧan ıs-ärekettıŋ zaŋsyz ekenın tüsınıp, qarjy piramidasyna qatysuǧa kelısım bergen. Mudarabah Capital JŞS-ny tırkep, jarǧylyq kapitalǧa qatysu ülesterın proporsionaldy türde böldı. Būl kompaniia salymşylardyŋ aqşasyn tartu qūraly retınde paidalanyluy qajet bolǧan. Mudarabah Capital men Astex arasynda kelısım jasalǧan soŋ Mudarabah Capital klient ızdeuge mındettı boldy. Astex atynan kelısım jasap, kelısımnen keiın keŋes beruge jäne basqa da zaŋdy operasiialardy jüzege asyruǧa mındetteldı. Būl kelısım Mudarabah Capital-dyŋ Astex-tıŋ qūrylymdyq bölımşesı bolǧanyn körsetedı, - dedı prokuror.Al memlekettık aiyptauşy sottaluşy Ruslan Būrqanov Mudarabah Capital JŞS direktory bolǧanyn aitady. Azimjan Saidbaev pen Meiırhan Şerniiazov Mudarabah Capital JŞS qūryltaişysy bolǧan. Olar ügıt-nasihat jürgızu, äleumettık jelıde jarnama jasauǧa jauapty bolǧan. Sondai-aq qūryltaişylar arasynda qarajat böluge de qatysty.
2020 jyldyŋ qyrküiegınde atalǧan adamdar qarjy piramidasyn tanymal etu maqsatynda äleumettık jelıde 1 millionnan astam jazyluşysy bar Meiırjan Törebaevqa syiaqy beruge uäde berıp, bırlesken qylmystyq ıs-äreket jasau üşın jügındı. Törebaev ūsynystyŋ zaŋsyzdyǧyn tüsınıp, piramida sätsız bolǧan jaǧdaida qylmystyq jauapkerşılıkten qūtyla alatynyna senımdı bolyp, ūiymdasqan qylmystyq toptyŋ qūramyna kıruge kelısım berıp kırgen. Ol salymşylarǧa ai saiyn uäde etılgen paiyz töleu mümkın emes ekenın tüsınıp, zaŋsyz qarjy piramidasy ekenın bılıp, jūmystan kırıs tabatynyn oilap, salymşylardyŋ qarajatynan aiyrylatynyn tüsınıp, öz jūmysyn bastady, - dedı memlekettık aiyptauşy.Meiırjan Törebaev kompaniia qūramynda jarnama jasau, ügıt-nasihat jūmystarymen ainalysqan. Sondai-aq ol Mudarabah Capital qūryltaişysy qatarynda bolǧan. Al Şerniiazov pen Törebaev qarjy piramidasyn qūrdy jäne ūiymdastyrdy degen aiyppen kelıspedı jäne kınäsın moiyndamady.
Ūqsas jaŋalyqtar
sot
prokuror
Meiırjan Törebaev
meiırhan şerniiazov
Vainerler
Qarjy piramidasy
5 jylǧa sottaluy mümkın
