Belgılı jurnalist jäne azamattyq belsendı Lūqpan Ahmediarovty polisiia qyzmetkerlerı tüsınıksız jaǧdaida ūstady, dep habarlaidy "Adyrna" ūlttyq portaly Ūlysmediaǧa sıltep.
Jurnalist äleumettık jelıdegı paraqşasyna tüsırgen videoda özın polisiia kölıgınıŋ ışınde küştep alyp bara jatqanyn aityp ülgergen. Onyŋ aituynşa, qūqyq qorǧau organdary eşqandai resmi qūjat körsetpei, ony jäne ärıptesterı Raul men Erkebūlandy da ūstauǧa ärekettengen.
"Jaŋa ǧana tüsırılım jürgızıp jatqanbyz. Menı jaŋa ūstady. Polisiia qyzmetkerlerı küştep kölıkke otyrǧyzdy. Eşqandai tüsınık bererlık qaǧaz körsetken joq. Menıŋ üstımnen qylmystyq ıs qozǧalǧanyn aitty. Qazır qaida apara jatqandaryn da naqty bılmeimın", – dedı Ahmediarov.
Jurnalist özınıŋ ūstaluyn juyrda jariialaǧan maqalasymen bailanystyrady. Ol maqalada Reseige aldanyp, keiın Ukrainadaǧy soǧysqa mäjbürlı türde tartylǧan qazaqstandyqtar turaly baiandalǧan. Būl maqala jariialanǧannan keiın, Qazan qalasyndaǧy Qazaqstan konsuldyǧy aqparatty joqqa şyǧarǧan bolatyn.
"Olardyŋ tuystary maǧan habarlasyp, soǧysqa baruǧa mäjbürlep jatqandaryn aitty. Bälkım, menıŋ ūstaluym osy jaǧdaimen bailanysty bolar", – dedı Ahmediarov.
Lūqpan Sailauūly Ahmediarov – tanymal jurnalist, azamattyq belsendı. Ol 1975 jyly Batys Qazaqstan oblysynda düniege kelgen. Jurnalistika salasyna 2001 jyly qadam basqan. «Uralskaia nedelia» gazetınde jūmys ıstegen ol özınıŋ käsıbi qyzmetı barysynda bırneşe ret qysym men şabuyldarǧa ūşyraǧan. 2012 jyly belgısız bıreuler oǧan qaruly şabuyl jasap, segız pyşaq jaraqatyn salǧan. Sol jyly ol Şekarasyz reporterlar ūiymynyŋ halyqaralyq syilyǧyna ie bolǧan.
Ūqsas jaŋalyqtar
