"Memleket basşysy 70-ke tolyp jatyr!" Prokurorǧa şüilıkken būrynǧy ministr Arystanbek Mūhamediūly sotta aşuǧa mınıp, aiǧaiǧa basty

Sot otyrysynda Mädeniet jäne sport ministrı, kezınde Ūlttyq muzeidı basqarǧan Arystanbek Mūhamediūly aşuǧa mınıp, aiǧaiǧa basty. Şymbaiyna batqan sūraqtarǧa bola "būlqan-talqan" bolǧan sätınıŋ videosy äleumettık jelıde tarady, dep habarlaidy "Adyrna" ūlttyq portaly.   Sot otyrysynda prokuror kuägerden Ündıstandaǧy «Altyn adamnyŋ şeruı» körmesı jaily egjei-tegjeilı sūrap jatqanda Ūlttyq muzeidıŋ eks-basşysy özın-özı ūstai almai, aiǧaiǧa basady. Būrynǧy ministr qazırgı basşylyqtyŋ "ūstanymy" men "Ädılettı Qazaqstan" ideiasyn alǧa tartyp, prokurordyŋ qyzmetın synaidy. Dauysy zoraiyp, aşu qysqan sätınde Qasym-Jomart Kemelūlynyŋ tuǧan künı kelıp qalǧanyn da sot zalynda otyrǧandardyŋ esıne salyp ötedı.

 

Posmotret etu publikasiiu v Instagram

 

Publikasiia ot ADYRNA.KZ - Jaŋalyqtar (@adyrna.kz)

Esterıŋızge sala keteiık, 2022 jyldyŋ 28 mamyrynda sot sanksiiasymen Ūlttyq muzei direktory Arystanbek Mūhamediūlyna qatysty «küzetpen ūstau» būltartpau şarasy taŋdaldy. Tergeu «Altyn adamnyŋ älem mūrajailary boiynşa şeruı» halyqaralyq körmesın ötkızuge, sondai-aq «Qazaqstannyŋ ūlttyq kielı nysandary men muzei qorlaryn jalpymemlekettık fotogrammetriialyq 3D-skanerleu» jäne «Qazaqstan Respublikasynyŋ Ūlttyq sifrlyq kinokolleksiiasyn sifrlandyru» jobalaryna bölıngen biudjet qarajatyn ūrlau faktılerı boiynşa jürgızılgen bolatyn. Odan bölek, Arystanbek Mūhamediūlynyŋ Mädeniet jäne sport ministrı lauazymynda bolǧan kezınde tuystarynyŋ jäne ülestes tūlǧalarynyŋ menşıgıne «Su jäne qoldanbaly sport türlerı boiynşa respublikalyq joǧary sport şeberlıgı mektebı» RMQK, «Qazaq ensiklopediiasy» AQ jäne «Qazaq ǧylymi-zertteu mädeniet instituty» JŞS zaŋsyz beruge qatystylyǧy tekserıldı. Tergelgen qylmystyq ıster boiynşa memleketke keltırılgen zalaldyŋ aldyn ala somasy şamamen 7 mlrd teŋge dep baǧalanǧan edı.  Būdan būrynǧy otyrysta advokat eks-ministr Arystanbek Mūhamediūlyn qamauda ūstau tärtıbın myrzaqamaqqa auystyrudy sūraǧan bolatyn.

"Adyrna" ūlttyq portaly