Batys Qazaqstanda sáýir aıynda oryn alǵan 30 jastaǵy Aınagúl Haırýllınany óltirý isi boıynsha sot otyrysy ótti. Ony óziniń kúıeýi asa qatigezdikpen óltirgen. Aınagúl Haırýllınanyń anasy kúıeý balasyna óte qatań jazany surap otyr, dep habarlaıdy "Adyrna" ulttyq portaly.
"Moı gorod" basylymynyń habarlaýynsha, áıelin 30 jerden pyshaqtap óltirgen. Anasy qylmyskerdi ólim jazasyna kesýin suraıdy.
"Ol Aınagúl Haırýllınany jeke menshigim dep sanaǵan. 2021 jyly 19 sáýir kúni, shamamen saǵat 16:30-da penjeginiń qaltasyna pyshaq salǵan Baýyrjan Haırýllın burynǵy áıeliniń jumys ornyna kelgen. Qylmystyq nıetin boljap bilmegen Aınagúl onyń artynan shyqqan.
Mekeme janynda Haırýllın kóńil tolmaýshylyq bildirip, qasynda eshkim joq ekenin bilgen soń, qaltasyndaǵy pyshaqty shyǵaryp, áıeldi jaraqattaı bastaǵan. Asqan qatigezdik tanytqan. Keıin áıeldi jerge qulatyp, pyshaq jaraqatyn salýdy jalǵastyrǵan. Aınagúl Haırýllına ómiri úshin kúresip, pyshaqtaýdy doǵarýyn suraǵan. Alaıda Haırýllın oǵan qaramaı, áıel eshqandaı belgi bermegende ǵana qylmys ornynan qashyp ketken", - dedi memlekettik aıyptaýshy Sáken Moldashev.
Baýyrjan Haırýllınniń ózi sot zalynda boldy. Ol isti alqabıler sotynyń qarastyrǵanyn qalamady. Al marqumnyń anasy Qatıma Kajıpanova eks-kúıeý balasyna eń qatań jaza surap otyr.
"Onyń ólim jazasyna kesilgenin qalar edim. Ókinishke qaraı, bizde ondaı jaza joq. Sondyqtan da sottan ony ómir boıyna bas bostandyǵynan aıyrýdy suraımyn. Eki kishkentaı bala anasyz qaldy", - dep túsindirdi áıel.
"Adyrna" ulttyq portaly
