Aqtöbe soty Bolat Nazarbaevty zaŋsyz ielengen mülık üşın 19 mln 451 myŋ teŋge töleuge mındettedı. Būl turaly Ratel.kz agenttıgı jazdy, dep habarlaidy “Adyrna” ūlttyq portaly.
Aqparat boiynşa, 2013 jyly Bolat Nazarbaev "Aqtöbe öndırıstık kompaniiasyna" 1,5 milliard teŋge nesie bergen. Alaida keiın aqşanyŋ kompaniia şotyna tüspegenı belgılı bolǧan. 2021 jyldyŋ 20 qazanynda "Aqtöbe öndırıstık kompaniiasy" sot şeşımımen "bankrot" dep tanylǧan.
Kompaniia bankrotqa deiın bır jyl būryn 1 zauyt pen qūny 751 million bolatyn qūral-jabdyqtardy nesie ötemı retınde Bolat Nazarbaevqa bergen. Keiın qarjy operasiialaryn teksere kele, Bolat Nazarbaevtyŋ "Aqtöbe öndırıstık käsıpornyna" eşqandai aqşa audarmaǧany anyqtaldy.
Ötken jyly qyrküiekte ötken sot Nazarbaevtyŋ käsıporynǧa qarjylai kömek körsetpegenın rastady. Endı kompaniianyŋ bankrotqa ūşyrauyna bailanysty Bolat Nazarbaev zaŋsyz ielengen mülıktı qaitaryp, kompaniiaǧa 19 451 000 teŋge ötemaqy töleuı tiıs.
Ūqsas jaŋalyqtar
