Aqtóbe soty Bolat Nazarbaevty zańsyz ıelengen múlik úshin 19 mln 451 myń teńge tóleýge mindettedi. Bul týraly Ratel.kz agenttigi jazdy, dep habarlaıdy “Adyrna” ulttyq portaly.
Aqparat boıynsha, 2013 jyly Bolat Nazarbaev "Aqtóbe óndiristik kompanııasyna" 1,5 mıllıard teńge nesıe bergen. Alaıda keıin aqshanyń kompanııa shotyna túspegeni belgili bolǵan. 2021 jyldyń 20 qazanynda "Aqtóbe óndiristik kompanııasy" sot sheshimimen "bankrot" dep tanylǵan.
Kompanııa bankrotqa deıin bir jyl buryn 1 zaýyt pen quny 751 mıllıon bolatyn qural-jabdyqtardy nesıe ótemi retinde Bolat Nazarbaevqa bergen. Keıin qarjy operaııalaryn teksere kele, Bolat Nazarbaevtyń "Aqtóbe óndiristik kásipornyna" eshqandaı aqsha aýdarmaǵany anyqtaldy.
Ótken jyly qyrkúıekte ótken sot Nazarbaevtyń kásiporynǵa qarjylaı kómek kórsetpegenin rastady. Endi kompanııanyń bankrotqa ushyraýyna baılanysty Bolat Nazarbaev zańsyz ıelengen múlikti qaıtaryp, kompanııaǵa 19 451 000 teńge ótemaqy tóleýi tıis.
