22 shilde kúni Aqtaý qalalyq turǵyn-úı kommýnaldyq sharýashylyǵy bólimi "Kóshede ilýge arnalǵan 7,5-ke 15 metrlik Memlekettik týlardy satyp alý" degen taqyryppen tender jarııalady, dep habarlaıdy Adyrna ulttyq portaly satypalu.gov.kz/ saıtyna silteme jasap.
Memlekettik satyp alý quny 6 125 000 teńgeni quraıdy. Satyp alynatyn týlardyń jalpy sany - 14 dana, ıaǵnı ár týdyń quny - 437 myń 500 teńge. Tender jeńimpazy 29 shilde kúni anyqtalady. Tehnıkalyq sıpattamada Memlekettik týlardyń kóshege ilinetini, týdy sýblımaıondy basý tásilimen polıteks matasynan daıyndaý kerektigi, kólemi - 7,5*15 metr, qalyńdyǵy 200 g/m2 kem emes, týdyń túsi eki jaǵynan da 100 paıyz birdeı bolý qajettigi, kepildik merzimi 1 jyl ekeni jazylǵan.
Árıne, 7,5h15 metr óte úlken kólem. Satyp alynatyn Memlekettik týlardyń qunyna ony jetkizý, júkti túsirý kiredi. Tapsyrysty oryndaýshy shartqa qol qoıǵannan keıin kúntúzbelik 30 kún ishinde týdy Aqtaý qalasy, 4 sh/a qala ákimdigine jetkizýi tıis. Demek, 6 125 000 teńgege satyp alynǵan týdy tigetin tuǵyrdy daıyndaý, ornatý, t.b jumystarǵa basqa tender jarııalanady degen sóz.
Biz Aqtaý qalalyq turǵyn-úı kommýnaldyq sharýashylyǵy bóliminen "bul týlardyń naqty qaı jerlerge ornatylatynyn" surap hat jazdyq. Aldaǵy ýaqytta olardan jetken jaýapty qosymsha jarııalaıtyn bolamyz.
Aqan Asyl
"Adyrna" ulttyq portaly
