Maŋǧystau oblysynyŋ prokuraturasy Aqtauda jas qyzdy zorlap, esırtkı bergen 5 jıgıttıŋ ısıne qatysty mälımdeme jasady, dep habarlaidy "Adyrna" ūlttyq portaly.
“2024 jylǧy 19 jeltoqsanda Maŋǧystau oblysynyŋ qylmystyq ıster jönındegı mamandandyrylǧan audanaralyq soty jäbırlenuşıge qatysty jasalǧan qylmys boiynşa negızgı figurantqa 20 jyl, al onyŋ janyndaǧy qylmysqa üles qosqan tört jıgıtke 7 jyldan 8,5 jylǧa deiın bas bostandyǧynan aiyru taǧaiyndaldy. Öz kezegınde prokuror özınıŋ jaryssözınde bas figurantqa ömır boiyna bas bostandyǧynan aiyrudy, al basqa qatysuşylarǧa 15 jyldan 16 jylǧa deiın bas bostandyǧynan aiyrudy sūraǧan”, dep habarlady prokuratura.
5 qaŋtarda oblys prokurory sot ükımı men jaza mölşerıne kelıspegendıkten, sot jaryssözınde baiandalǧan ūstanymǧa säikes ötınışhat engızgenı habarlandy.
"NeMolchi.KZ"-tıŋ äleumettık jelısınde 2024 jyldyŋ mamyr aiynda Aqtauda bolǧan jantürşıgerlık oqiǧany jariialaǧan edı.
14 mamyr künı tünde Aqtauda bır top er adam sportpen ainalysyp, fitnes-jattyqtyruşy bolyp jūmys ıstegen qyzdy kölıkke küştep otyrǧyzyp, mefedron berıp zorlaǧan. Taŋǧa deiın qyzdy qinap, qala berdı telefony arqyly 2 mln teŋge kölemınde nesie räsımdegen. Qyzdyŋ tuystary sot şeşımıne qarsy şaǧym tüsırıp, ıstıŋ ädıl qaraluyn sūrady.
