Qazaqstan Aqtaý mańynda qulaǵan Azerbaijan Airlines áýe kompanııasynyń ushaǵynan alynǵan qara jáshikterdiń Brazılııadan jetkizilgen derekterin zertteýge kiristi, dep habarlaıdy "Adyrna" ulttyq portaly.
"Qazaqstan Respýblıkasy Kólik mınıstrliginiń avıaııalyq oqıǵany tekserý jónindegi komıssııasy IKAO-nyń 13-qosymshasyndaǵy standarttar men usynylǵan tájirıbege sáıkes barlyq faktiler men materıaldardy egjeı-tegjeıli zerdelegennen keıin aldyn ala esep jarııalaıdy. Bul esepte naqty anyqtalǵan aqparat jáne tergeý barysy týraly málimetter kórsetiledi. Qazaqstanǵa jetkizilgen borttyq jazǵyshtardyń shıfry sheshilgen derekteri de mamandar tarapynan zerttelýde", – dep habarlady Kólik mınıstrliginiń baspasóz qyzmeti.
7 qańtarda Brazılııada Aqtaý mańynda apatqa ushyraǵan ushaqtyń qara jáshikterin shıfryn sheshý aıaqtalǵany belgili boldy. Qara jáshiktiń eki jazǵyshynan alynǵan tıisti aqparat Qazaqstan bıligine jiberilgeni habarlandy.
