14 qańtardaǵy sońǵy málimet boıynsha, Mańǵystaý oblysynda 988 óli aqqý tabylǵan. Bul týraly aýmaqtyq orman sharýashylyǵy jáne janýarlar dúnıesi ınspekııasynyń basshysy Ǵabbas Dosatov málimdedi, dep habarlaıdy “Adyrna” ulttyq portaly Lada.kz saıtyna silteme jasap.
“Qarakól kólinen 968 óli aqqý tabyldy. Sondaı-aq Qaraqııan aımaǵyndaǵy teńiz jaǵasynan 20 óli qus tabyldy. 14 qańtardaǵy málimet boıynsha ólgen qustardyń sany 988 basqa jetti”, - deıdi ınspekııa basshysy Ǵabbas Dosatov.
Qaraqııan aýdanynyń ákimdigi Quryq aýyly mańyndaǵy teńiz jaǵasynan ólgen 20 aqqýdyń óleksesi tabylǵanyn rastady. Aýdan ákiminiń orynbasary Asan Chýkın turǵyndardyń teńiz jaǵasyna shyǵýyna ýaqytsha shekteýler engizilgenin aıtty.
Eske salaıyq, aqqýlardyń ólimi týraly alǵash ret ótken jyldyń jeltoqsan aıynyń sońynda sóz bolǵan. Zertteı kele, ǵalymdar ólimniń sebebi qus tumaýy degen qorytyndyǵa keldi. Alaıda, keıinirek sarapshylar tumaý vırýsynyń qaıtalama sıpatqa ıe ekendigin jáne jappaı ólimniń negizgi sebebi azyqtyń jetispeýi men sýyqtyń áseri degen boljam jasady.
9 qańtarda ekologtar Rixos qonaqúıinen shyǵyp jatqan oǵash sý aǵyndylaryn zerttep jatqany týraly aqparat paıda boldy. Kvadrokopterden túsirilgen vıdeoda qazir qustar qyrylyp jatqan Qarakól kóline qara sýdyń tikeleı aǵyp jatqanyn kórýge bolady.
Rixos Water World Aktau qonaqúıiniń bas menedjeri Serik Isaǵalıev qonaqúıden tazartylǵan aǵyndy sýdyń Qarakól kóline aǵyp jatqanyn rastady. Qonaqúı salý kezinde ortalyq káriz júıesiniń bolmaýyna baılanysty, aǵyndy sýlardy tazartý jáne kólge aǵyzý jobasy maquldanǵan.
Ol qonaqúıde barlyq qajetti ruqsat qujattary bar ekenin jáne "Rixos Water World Aktau" Qarakóldegi tragedııany obektıvti tergeýge múddeli ekenin atap ótti.
Osy iske qatysty «Tabıǵat» respýblıkalyq ańshylar qaýymdastyǵynyń vıe-prezıdenti Aıtýar Týǵanbekov Rixos qonaqúıinen tazartylǵan sýdy Qarakól kóline aǵyzý jobasyna úzildi-kesildi qarsy ekenin jetkizdi.
”Adyrna” ulttyq portaly
