Atyrau qalasynyŋ balalar oiyn alaŋdaryn kütıp ūstau üşın biudjetten 236 228 437 teŋge qarjy bölındı, - dep habarlaidy Adyrna ūlttyq portaly satypalu.gov.kz/ saityna sılteme jasap.
Tenderge tapsyrysty Atyrau qalalyq tūrǧyn üi-kommunaldyq şaruaşylyǧy jäne tūrǧyn üi inspeksiiasy bölımı bergen. Memlekettık satyp aludy ūiymdastyruşy Atyrau oblysynyŋ qarjy basqarmasy memlekettık mekemesı.
«Atyrau qalasynyŋ balalar oiyn alaŋdaryn kütıp ūstau» degen taqyryppen 15 qaraşa künı jariialanǧan tenderdıŋ jeŋımpaz 22 qaraşa künı anyqtalady.
Tehnikalyq sipattamada Atyrau qalasynda qanşa oiyn alaŋy bar ekenı körsetılmegen. 2024 jyldyŋ 31 jeltoqsanyna deiın balalar oiyn alaŋdaryn kütıp ūstau üşın naqty ne ıstelu kerektıgı de tüsınıksız.
Qaraŋyz: «Tastardy jinau jäne tüpteu – 22,1 mZ, Uchaskeni qoqystan on ret tazartu - 22 100 m2, Qūmsalǧyşty qūmmen toltyru – 44,2 m2, Metall qorşaulardy ūsaq jöndeu – 17,68 m2, t.b» dep jalǧasyp kete beredı.
Ūzyn-sonar tehnikalyq sipattamadan Atyrau qalasynda 40 oiyn alaŋy bar ekenın baiqauǧa bolady. Alaŋdardy kütıp ūstau üşın biudjetten 236 millionnan asa qarjy jūmsalyp otyrǧandyqtan atqarylatyn jūmystyŋ kölemı, sany, jospary, taraptardyŋ mındetı, barlyǧy derlık taiǧa taŋba basqandai körınıp tūruy kerek emes pe? Onyŋ bırı de joq.
Sonda Atyrau qalalyq tūrǧyn üi-kommunaldyq şaruaşylyǧy jäne tūrǧyn üi inspeksiiasy tender jeŋımpazynan eseptı qalai alady? Bızdı osy saual mazalaidy...
Qanat Bırlıkūly
Adyrna ūlttyq portaly
