Astanadaǵy Taldykólde eki balanyń sýda júzgen aqqýlarǵa birneshe ret tas laqtyrǵan sáti beınejazbaǵa túsip, áleýmettik jelilerde keńinen tarady. Bul oqıǵa kópshiliktiń ashý-yzasyn týdyryp, balalardyń áreketin qatań synǵa aldy, dep habarlaıdy “Adyrna” ulttyq portaly.
Jeli qoldanýshylary balalardyń mundaı áreketin janýarlarǵa qatygezdik dep baǵalap, olardyń ata-analaryn jaýapkershilikke tartý qajettigin alǵa tartty. Kópshilik bul jaǵdaıdy balalardyń tárbıesine qatysty máselelerdiń kórinisi retinde qabyldady.
Astana qalasynyń polıııa departamenti atalǵan beınejazbany tekserip jatqanyn habarlady. Quqyq qorǵaý organdary oqıǵanyń mán-jaıyn anyqtap, tıisti sharalar qabyldaýǵa ýáde berdi.
Aıta keteıik, buǵan deıin de Taldykólde aqqýlardyń muz qursaýynda qalyp qoıǵany týraly jaǵdaılar tirkelgen bolatyn.
