Qazaqtyŋ belgılı därıgerı, professor Külän Omarova dünieden öttı. Qazaqstannyŋ onkogematologiialyq qyzmetınıŋ negızın qalauşy 81 jasynda qaitys boldy, - dep habarlaidy “Adyrna” ūlttyq portaly.
QR Densaulyq saqtau ministrı Aqmaral Älnazarova därıgerdıŋ qaitys boluyna bailanysty köŋıl aitty.
«Külän Omarqyzy medisina qauymynyŋ, köptegen studentterınıŋ, ärıptesterınıŋ jadynda jarqyn, erekşe tūlǧa, öz ısınıŋ orasan zor janaşyry retınde qaldy. Sondai-aq, Densaulyq saqtau ministrlıgınıŋ atynan jüzdegen, myŋdaǧan balalardyŋ ömırın saqtap qalǧan ūly därıger retınde qalady jäne jeke özım Külän Omarqyzynyŋ barlyq jaqyndaryna, tuystaryna şyn jürekten köŋıl aitamyn, onyŋ balalar onkogematologiiasy ǧylymyn damytuǧa qosqan zor ülesı, ǧylymi eŋbekterı, jas mamandarǧa bergen täjıribesı men bılımı ūzaq uaqyt boiy qyzmet etetınıne senımdımız», - dep jazdy ministr Facebook paraqşasynda.
Külän Omarova 1944 jyly Almaty oblysy, Raiymbek audany, Narynqol auylynda düniege keldı. Almaty oblysy Narynqol (qazırgı Raiymbek) audanynda därıger, audany därıger-pediatr (1967–1970), Mäskeu qalasyndaǧy KSRO Medisina ǧylymdary akademiiasynyŋ Pediatriia institutynda aspirant (1970–1973) Qazaq KSR-ı Densaulyq saqtau ministrlıgınıŋ Pediatriia jäne balalar hirurgiiasy ortalyǧynda kışı, aǧa ǧylymi qyzmetker, ǧylymi hatşy (1973–1981), institut direktorynyŋ ǧylymi jūmystar jönındegı orynbasary (1981–1988) boldy. Respublika balalar onkogematologiiasy ortalyǧynyŋ direktory (1989) qyzmetterın atqarǧan.
130-dan astam ǧylymi jariialanymnyŋ avtory.
Ūqsas jaŋalyqtar
