Almaty oblysy, Talǧar audandyq ortalyq auruhanasynda soqqyǧa jyǧylyp, aqyrynda auyr jaǧdaida jansaqtau bölımıne tüsken därıgerler esın jidy. Maman oqiǧanyŋ qalai şiryǧyp, qalai bolǧanyn baiandady, dep habarlaidy "Adyrna" ūlttyq portaly.
"Almaty" telearnasynyŋ aqparatyna säikes, därıgerdıŋ basynan qatty soqqy alǧany esınde qalǧan:
"Älı de jaǧdaiym auyr, basym auyrady. Közım mazalaidy. Tūru da qiyn bolyp tūr. Esımde qalǧany, äuelı basymnan ūrdy, men jyǧylǧanda basymnan teuıp jatqan. Qalǧany esımde joq", - dedı bolǧan jaitqa qatysty zardap şekken därıger Nūrdäulet Evadilla.Soqqyǧa jyǧylǧan ärıptesterınıŋ qandai jaǧdaida ekendıgın bas därıgerdıŋ orynbasary da habarlady. Onyŋ aituynşa, därıgerlerge ota jasau qajet:
"Reanimasiia bölımşesınen travmatologiia bölımşesıne auystyrdyq. Ekınşı ärıpteske kelesı aptada mūrnyna ota jasau kerek. Bet-jaq süiekterın tekserıp, sosyn ota turaly şeşım qabyldaimyz", - dedı Talǧar audandyq ortalyq auruhanasy bas därıgerınıŋ orynbasary Ǧalymjan Esenäliev.Retı kelgende aita keteiık, Qazaqstanda soŋǧy kezderı därıgerlerge qarsy jasalǧan derekter jiı tırkeledı. Osy jyldyŋ tamyz aiynda Qarasai audandyq auruhanadasynda jūmys ısteitın medbikenı pyşaqtalyp, qapyda qaitys boldy. Jūmys uaqytynda mekemege op-oŋai kırıp, oiyna kelgenın ıstegen 42 jastaǧy küdıktı qazır qamauda otyr. Esterıŋızde bolsa, keşe aq halattylarǧa jūdyryq ala jügırgen şymkenttık azamattyŋ videosy jelıde tarady. Auruhanaǧa em ızdep kelgen nauqastyŋ därıger men sanitariialyq qyzmetkerdı ūryp- soqqany aityldy.
"Adyrna" ūlttyq portaly
Ūqsas jaŋalyqtar
Almaty oblysy
nauqas
därıger
talǧarlyq därıger
talǧar auruhana
Talǧar auruhanasy
medisinalyq problemalar
