Qaraǵandy oblysynda jol apatynan eki dáriger qaza boldy

1087
Foto: aikyn.kz
Foto: aikyn.kz

Qaraǵandy oblysynda jol apatynan eki dáriger qaza taýyp, "Jezqazǵan medıınalyq ortalyǵy" JShS Balqash qalalyq emhanasynyń segiz medıına qyzmetkeri zardap shekti, dep habarlaıdy “Adyrna” ulttyq portaly.

"QR Densaýlyq saqtaý mınıstrligi Qaraǵandy oblysy Aqtoǵaı aýdany Saryshaǵan aýylynyń janynda bolǵan qaıǵyly oqıǵaǵa baılanysty qaıǵyra kóńil aıtady.

Jol apatynan Balqash qalasyndaǵy "Jezqazǵan medıınalyq ortalyǵy" JShS emhanasynyń 2 dárigeri qaza bolyp, 8 medıına qyzmetkeri zardap shekti. Dárigerler Balqash qalasyndaǵy "Qazaqmys" kompanııasynyń jumysshylaryn profılaktıkalyq qarap-tekserýden ótkizip, qaıtyp kele jatqan bolatyn. Olar mingen avtobýs MAZ markaly júk avtokóligimen soqtyǵysyp, jol apatyna ushyrady. Mınıstrlik atynan mezgilsiz kóz jumǵan Kenjehanova Vıktorııa Islıamqyzy men Qystaýbaeva Baqyt Rashıtqyzynyń jaqyndary men otbasyna qaıǵyra kóńil aıtamyz.

Otolarıngolog Vıktorııa Kenjehanova men oftolmolog dáriger Baqyt Qystaýbaeva azamattardyń densaýlyǵyn qorǵaýǵa ondaǵan jyl ǵumyryn sarp etken naǵyz kásibı mamandar edi. Aımaqtyq densaýlyq saqtaý salasy orny tolmas aýyr qazaǵa dýshar boldy", - delingen mınıstrlik habarlamasynda.

Aıta keteıik, jol apaty 19 qyrkúıek saǵat 19:30 shamasynda "Almaty – Ekaterınbýrg" tasjolynda, Saryshaǵan kentinen 30 shaqyrym jerde boldy. Trassada MAZ júk kóligi men PAZ jolaýshylar avtobýsy soqtyǵysty. Saldarynan barlyǵy 4 adam qaza boldy. Kólik apaty kezinde avtobýsta 11 adam otyrǵan.

Pikirler
Uqsas jańalyqtar