Maman tamyz aıyna boljam jasady: Qazaqstandyqtardy kóp aqsha kútip tur

728

Irına Ábdiraıymova tamyz aıynda jaǵymdy jańalyqtardyń kóp bolatynyn aıtyp qýantty   

 Nýmerolog Irına Ábdiraıymova tamyz aıy shildege qaraǵanda jaqsy kúnderge toly bolatynyn aıtady. Osy oraıda ol ómir syılaǵan múmkindikterdi jiberip almaǵan jón ekenin eskertti, dep habarlaıdy"adyrna.kz"  Sputnik Qazaqstan aqparat agenttigine silteme jasap.

Juldyzdar syryn uqqan maman sońǵy boljamdarynda jaǵymsyz jańalyqtar kóp bolǵanyn aıtady. Bul ózgelerdiń ǵana emes, óziniń de kóńilin túsirgen eken. Dese de, ol tamyz aıynda kerisinshe jaǵymdy sátterdiń kóbirek bolatynyn aıtyp qýantty.

"Aı basynda bizdiń belsendiligimiz artyp, aldymyzǵa qoıǵan maqsattarǵa asqan tabandylyqpen jetemiz. Eń bastysy, bizdiń jumys isteý qabiletimiz jaqsarady. Ózgelerge kómek qolyn sozý arqyly baqytqa bólenemiz, ózimizge beretin baǵamyz da joǵarylaıdy", - dedi nýmerolog.

Maman ádildik ornatý úshin úlken iske kirisýden esh qoryqpaýǵa keńes beredi. Ásirese, bizdi bilim, ustazdyq jáne saıasat salasynda tabys kútip tur. Sondaı-aq, bırjadaǵy operaııalar sátti ótedi.

Adamdar shekten tys sezimtal bolyp ketedi

Ári qaraı Irına Ábdiraıymova kóp adamnyń qumar oıyndarynda joly bolǵanmen, barlyq nársede balans saqtalýy kerektigin eskertti. Aıtýynsha, tamyz aıynyń alǵashqy toqsanynda adamdar shekten tys sezimtal bolyp ketedi. Aınalamyzdaǵylardyń sózdi qalaı aıtqanyna deıin mán beretin jaǵdaıǵa jetemiz. Shyndyqty aıtyp turǵan jáne aldap turǵan adamnyń ara-jigin birden ajyratamyz.

"Aqparatty qulaǵymyz, kózimizben emes, túısigimizben qabyldaımyz. Ýaqyt óte kele, adamnyń bizge aıtqysy kelgen sózin aldyn ala boljaımyz. Múmkindiginshe qııalymyzǵa qandaı da bir shekteý qoıyp otyrǵanymyz jón", - deıdi Irına Ábdiraıymova..

Sondaı-aq, onyń pikirinshe, eger qarsy aldyńyzdaǵy adamnyń júregin jaýlaǵyńyz kelse, áńgimeni onyń problemalaryn suraýdan bastaý kerek. Ásirese, otbasy men jumysyna qatysty suraqtardy kóbirek qoıyńyz. Al saıahattaıtyn bolsańyz, jalǵyz júrmegenińiz jón.

6, 7, 8 tamyz – jumys úshin tabysty kúnder bolmaq. Ásirese, basshylyqpen, bılikpen qandaı da bir kelissóz júrgizýge tıimdi. 12 tamyzdan bastap bizdiń saıası jańalyqtarǵa da, ósekke de qyzyǵýshylyǵymyz shekten tys arta bastaıdy. Keıin osy estigenderimizdi aınalamyzdaǵylarǵa jetkizýge tyrysamyz. Arasynda óz tarapymyzdan detal qosyp jiberetin kezder de kezdesedi.

Aı ortasynda kóńilińizdi túsiretin jańalyq estısiz

Nýmerologtyń boljaýynsha, tamyz aıynyń ekinshi toqsanynan bastap alys-jaqqan jerlerge tek kóńil kóterý úshin barasyz. Kópshiliktiń aldynda ózińizdiń qanshalyqty bilimdi ekenińizdi kórsetip qalýǵa tyrysasyz.

"Eger ózińizdi qandaı da bir maqsatta jarnamalaýdy kópten beri qalap júrgen bolsańyz, bul múmkindikti jiberip almańyz. Jalpy tamyz aıynyń alǵashqy eki bóliginde ózimizdi jer-kókke syıǵyzbaı maqtaǵan jandarǵa búıregimiz buryp turady. Osy oraıda ózgelerge de júrekti jylytar qoshemet sóz aıtýdy umytpaǵan jón", - deıdi maman.

Jazdyń sońǵy aıynda adamdardyń romantıkaǵa degen qulshynysy artady. Qymbat ári sándi kıinýge qumartyp, dúkennen kóptegen ádemi zat satyp alasyz. Kezdesý bir rettik bolsa da, áseri máńgilikke qalatyny sózsiz. Ártúrli kosmetıkalyq proedýra jasatý úshin de qolaıly ýaqyt bolmaq. Tek bir eskeretini – 15, 16 tamyz kúnderi kóńildi túsiretin jańalyq estýińiz múmkin. Osy jańalyqqa bola ashýǵa boı aldyryp, kútpegen jerden janjal shyǵarasyz. Túımedeıdi túıedeı etip, teris sheshim qabyldaısyz. Sondaı-aq, jumysta qıyndyqtar bolyp, jalǵan aqparat estýińiz múmkin. Sol sebepti osy kúnderi asa saq bolyńyz.

"Aıdyń ortasynda elektr qurylǵylaryn abaılap paıdalanyńyz. Múmkindiginshe áýe kóligin qoldanbaı qoıa turǵanyńyz jón. Bul qozyp turǵan júıke aýrýyn asqyndyrady. 18 tamyzdan keıin "Demalǵan jaqsy, biraq jumys isteý" kerek degen oı týady. Aqyryndap bárin retke keltirip, oıyńyzdy jınaqtaı bastaısyz", - dedi nýmerolog.

Al 20-21 tamyz zańgerlerdiń kómegine júginip, otbasyn qurý úshin taptyrmas kún bolmaq. 22 tamyzdan bastap romantıkany shetke ysyryp, júrek emes, aqyldy tyńdaı bastaısyz.

Aı sońynda eńbegińiz kóp aqsha ákeledi

Sonymen qatar, ol ońdy-soldy aqsha shashýǵa degen qulshynysty sanaly sheshimder almastyratynyn aıtty. 24 tamyzdan bastap jumysqa bilek sybana kirisemiz. Alaıda 25 tamyzda jynystyq qatynasqa degen erekshe qulshynys oıanatyndyqtan, adamdar súıiktisin saǵyna bastaıdy. Tipti, 26 tamyz kúni qyz-kelinshekter turmysqa shyǵýǵa usynys alýy da ǵajap emes. 25-26 tamyz kúnderi tanysqan adamdaryńyz máńgilik serigińizge aınalady.

"29-30 tamyz kúnderi eńbegińiz jemisti bolyp, qaltańyz qalyńdaı túsedi. Jolyńyz bolyp, kókeıińizde júrgen armanyńyz oryndalady. 31 tamyz kúni múmkindiginshe sóz talastyryp, urysýdan boıyńyzdy aýlaq ustańyz. Áıtpese jaman saldary sizge tııýi múmkin", - dedi ol.

Eń qýantatyny – osy aıda ǵashyqtar arasynda tutanǵan sezim oty máńgilikke ulasady. Sondaı-aq, jasy úlken aǵaıyn-týystaryńyz qarjylaı kómek qolyn sozady.

"Adyrna" ulttyq portaly

 

Pikirler