Almaty men Jetısu oblystary bölınıp, oblys ortalyǧy Qonaev qalasyna köşkelı berı memlekettık mekemelerdıŋ denı keŋselerdı jalǧa alyp otyr. Mäselen, Almaty oblysynyŋ Sot äkımşılıgı aldaǧy bes aiǧa ǧimarat jaldau üşın qazyna qarjysynan 50 752 232 teŋge qarjy bölgen, dep habarlaidy “Adyrna” ūlttyq portaly satypalu.gov.kz/kz/ saityna sılteme jasap.
Bügın, iaǧni 17 şılde künı satypalu.gov.kz saitynda "Qonaev qalasynda bır sotqa ǧimarat jaldau" degen ataumen tender jariialandy. Tender jeŋımpazy 24 şılde künı anyqtalady. Tehnikalyq sipattamada Qonaev qalasynan jalǧa alynatyn ǧimarattyŋ 20 adamǧa deiın syiymdylyǧy bar zaly, 1 mäjılıs zaly, vanna bölmelerı, 2273,7 şarşy metrden kem emes äkımşılık ǧimaratta 2 sot töraǧasy, 3 alqa töraǧalary, 20 sudiaǧa arnalǧan kabinetter, t.b boluy kerektıgı jazylǧan.
Sondai-aq, "Äkımşılık ǧimaratty kütıp ūstau, qoqys şyǧaru, kommunaldyq tölemder jaldau aqysyna kıretını, tender jeŋımpazynda äkımşılık ǧimaratqa qūqyq belgıleitın qūjattary boluy kerektıgı, ǧimarat maŋynda qyzmettık kölık qūraldaryn, sot prosesıne qatysuşylardyŋ kölıkterın qoiatyn aumaq boluy qajettıgı" belgılengen. "Ǧimaratty jaldau merzımı 2024 jylǧy 31 jeltoqsanǧa deiın" dep körsetılgen.
Iаǧni, Almaty oblysynyŋ Sot äkımşılıgı aldaǧy bes ai üşın ǧimarat jaldauǧa 50 752 232 teŋge qarjy jūmsamaq. Oblys bölıngelı ekı jyldan astam uaqyt öttı. Sodan berı Sot äkımşılıgı ǧimarat jaldauǧa biudjet qarjysynan qanşa aqşa şyǧyndady? Būl ürdıs qaşanǧa deiın jalǧasady? Ǧimaratty jalǧa aluǧa ketken qarjymen memlekettık mekemege ǧimarat soǧyp aluǧa ne kedergı?
Būl sūraqtardy tiıstı mekemege joldadyq. Olardan jetken jauapty qosymşa jariialaityn bolamyz.
Abai Asyl
“Adyrna” ūlttyq portaly
Ūqsas jaŋalyqtar
