Almaty oblysy Jaýǵashty aýylyndaǵy LA-155/4 áıelder kolonııasynda jazasyn ótep jatqan aıaǵy aýyr áıelden koronavırýs tabyldy. Bul týraly respýblıkalyq qylmystyq atqarý júıesi komıtetiniń baspasóz qyzmetine silteme jasap, centralasian.org habarlady.
Aqparat boıynsha, tutqyn aıaǵy aýyr bolýyna baılanysty Ile aýdanynyń ortalyq aýdandyq aýrýhanasynda tekserýden ótken. Keıinirek aýrýhanada koronavırýs tabylyp, karantınge jabylǵan. Resmı aqparat boıynsha, ınfekııa anyqtalǵanǵa deıin áıel kolonııanyń medıınalyq bóliminde tutqyndardan bólek ońasha palatada bolǵan. Perzenthanaǵa jatý úshin tekserilgen kezde koronavırýs anyqtalyp, ortalyq aýrýhanaǵa jatqyzylǵan.
Qylmystyq atqarý júıesi komıteti áıelmen aralasqan tutqyndardyń ınfekııalyq ızolıatorǵa aýystyrylyp, tekserýden ótkenin, mekemede sanıtarlyq-zalalsyzdandyrý jumystary júrgizilgenin, dári-dármek jetkilikti ekenin aıtady.
Al tutqyndar sózine súıengen Vlast saıtynyń jazýynsha, kolonııa indetke daıyn bolmaǵan. Aty-jónin atamaǵan tutqyndardyń biri saıtqa koronavırýs tabylǵan áıeldiń túrmege eki apta buryn etappen jetkizilgenin, mekemede qatań karantındik sharalar engizilip, tutqyndardyń jaǵdaıy qıyn ekenin aıtqan. Onyń aıtýynsha, naýqas tutqyndardyń kóbimen aralasqan.
Densaýlyq saqtaý mınıstrliginiń baspasóz hatshysy Dıas Ahmetsháriptiń aıtýynsha, mekemege jaqyn jerdegi balalar úıine 18 áıel jáne 18 bala karantınge jatqyzylǵan. Onda bir dáriger, 6 medbıke bar. Kolonııaǵa naýqaspen baılanysta bolǵandardy tekserý úshin medıına qyzmetkerleri jetken.
Resmı málimet boıynsha, Qazaqstanda 2717 adamnan koronavırýs tabylǵan. 25 adam qaıtys bolǵan. 682 adam jazylǵan.
