Qaraǧandyda özın "emşı" ärı "balger" retınde tanystyrǧan üş äiel 78 jastaǧy zeinetkerdı aldap, onyŋ 15 million teŋge tūratyn altyn būiymdary men aqşasyn iemdenıp ketken, dep habarlaidy "Adyrna".
Poliseiler küdıktılerdı jedel-ızdestıru şaralary barysynda qolǧa tüsırdı.
Üiıne qaityp bara jatqan qariiaǧa köşede üş beitanys äiel jolyǧyp, äŋgımege tartqan. Zeinetkerdıŋ senımıne kırgen olar "jaqyn adamy salǧan eskı qarǧys bar" ekenın aityp, eger ony dereu qaitarmasa, özıne qymbat adamnyŋ ömırıne qauıp tönetının jetkızgen.
Üiınen şikı jūmyrtqa äkeludı sūrap, soŋynda qarǧystan arylu üşın barlyq altyn būiymdary men aqşasyn gazetke orap berudı talap etken. Bırneşe künnen keiın qarǧysy qaitqan tüiınşektı aşsa, ışınde altyn da aqşada joq bolyp şyqqan.
Osylaişa zeinetkerdıŋ 15 million teŋgenı qūraityn altyn äşekeilerı men jinaǧan qarajaty qoldy boldy.
Izdestıru barysynda, küdıktılerdıŋ Temırtau qalasynda jürgenı belgılı bolyp, olar ūstaldy. Keiın jäbırlenuşı olardy Qaraǧandy qalasynyŋ Qazybek bi atyndaǧy polisiia bölımınde tanydy. Qazırgı uaqytta atalǧan derek boiynşa äielder uaqytşa qamauǧa alyndy.
