Byltyr Astanadaǵy fızıka-matematıka baǵytyndaǵy Zııatkerlik mektebinde ulttyq qundylyqty ulyqtaǵan keńaýqymdy dombyra dárisi ótken edi. 2022 jyldyń mamyr aıynda oqý jylyn aıaqtaǵan atalmysh eń aýqymdy dombyra sabaǵy álem nazaryn aýdaryp, Gınness rekordtar kitabyna endi, dep habarlaıdy “Adyrna” ulttyq portaly.
Nazarbaev zııatkerlik mektebi ókilderiniń aıtýynsha, onlaın rekordty tirkeý týraly derek Gınness rekordtar kitabynyń resmı saıtynda jarııalanǵan.
- NIS-tegi dombyra sabaǵy – bir mekteptiń myńǵa jýyq oqýshysy ulttyq mýzykalyq aspapty jetik meńgerip, birge kúı oryndaǵan álemdegi tuńǵysh oqıǵa. Eń aýqymdy dombyra sabaǵyna qosymsha bilim berý pedagogi, Qazaqstan Respýblıkasynyń eńbek sińirgen mádenıet qaıratkeri Aıtjan Toqtaǵan dırıjerlik etti. Zııatkerlerdiń oryndaýynda "Saryarqa", "Balbyraýyn", "Erkem-aı", "Keńes", "Jastar bıi" syndy ataqty kúıler kúmbirlep, týyndylardyń shyǵý tarıhy baıandaldy, - delingen aqparatta.
Gınness rekordtar kitabynyń talaptaryna saı aýqymdy dombyra dárisin 25-ten astam stıýard pen 2 kýáger qadaǵalaǵan. Táýelsiz stıýardtar 50 qatysýshydan jınalǵan belgili bir topty baqylady. Kýágerler GWR-diń senimdi ókili retinde qyzmet atqaryp, rekordtyń ornaýy men kitaptyń barlyq krıterııiniń tolyq saqtalýyn qarastyrdy.
Guinness World Records erejelerine sáıkes aýqymdy sabaq bastalar aldynda barlyq qatysýshy eki tirkeý satysynan ótken: birinshisi – jeke beıdjderin skanerlegen jáne "Kandıdat-marker" baǵdarlamasy arqyly jıyn zalyn baqylaǵan, ekinshisi – kezekshi qatysýshylardyń mehanıkalyq esebin júrgizdi.
“Adyrna” ulttyq portaly
