Qazaqstan syrtqy ister mınıstrligi Iran men Izraıl arasyndaǵy jaǵdaıdy baqylap otyr, dep habarlaıdy “Adyrna” ulttyq portaly QazTAG-qa silteme jasap.
«Qazaqstan syrtqy ister mınıstrligi jaǵdaıdy qadaǵalap otyr, biraq Qazaqstannyń Izraıldegi jáne Lıvandaǵy elshilikteri bizdiń azamattarǵa jaǵdaıdyń nasharlaýyna baılanysty osy elderden ketý qajettiligi týraly birneshe ret eskertkenin atap ótken jón», - dep habarlaıdy derekkóz.
Bul týraly búgin QazTAG agenttigine jaǵdaımen tanys derekkóz habarlaǵan.
Jerusalem Post gazeti Irannan Izraılge 400-ge jýyq zymyran ushyrylǵanyn habarlady. Zardap shekkender týraly málimet joq, biraq Tel-Avıvtegi ǵımarattarǵa zymyran atqylanǵany aıtylady.
Al "Adyrnanyń" Irandaǵy derekkóziniń málimdeýinshe, jaǵdaı kúrdeli ekeni baıqalady. Adamdar shoshyp qalǵanǵa uqsaıdy. Olar jaǵdaıdyń turaqtalǵanyn kútýde.
Beıbit turǵyndarǵa oq atqan lańkesterdiń oqqa ushqany týraly da jergilikti aqparat quraldary jazyp jatyr.
Izraıldiń barlyq terrıtorııasynda áýe dabylynyń sıgnaldary estilip jatyr.
Izraıl armııasy el azamattaryn qorǵaý úshin qajetti sharalardy qabyldaıtynyn málimdep, nusqaýlardy saqtaýdy surady.
Aıta keteıik, Iran alǵash ret tikeleı 2024 jyly sáýir aıynda óziniń terrıtorııasynan Izraılge shabýyl jasady. Sol kezeńde Izraılge 300-den astam dron men zymyran jiberdi, olardyń 99%-y atyp alyndy. Sáýirdegi shabýylǵa «Hezbolla» qozǵalysy da qatysty, ol Golan taýly aımaqtaryna soqqy jasady.
Shabýyldyń sebepteri 1 sáýirde Damask qalasyndaǵy Iran konsýldyǵyna jasalǵan shabýyl delinedi. Osynyń saldarynan Islam revolıýııasynyń saqshylar korpýsy (KSIR) quramynda jeti adam, onyń ishinde «Quds» arnaıy bólimshesiniń komandıri general Mohammad Reza Zahedı men general Mohammad Hadı Hadjı Rahımı qaza tapty.
