Memleket basshysy Qasym-Jomart Toqaev Boao Azııa forýmynyń plenarlyq sessııasynda sóz sóıledi, dep habarlaıdy “Adyrna” ulttyq portaly.
Qasym-Jomart Toqaev jyl saıyn Qytaıdyń Haınan provınııasynda ótetin Boao Azııa forýmynyń plenarlyq sessııasynyń ashylý rásimine qatysty.
Prezıdent atalǵan forýmda qurmetti qonaq retinde sóz sóıledi.
Ol jıyn qatysýshylaryna iltıpat bildire otyryp, qubylmaly geosaıası ahýal men ekonomıkalyq qıynshylyqtyń saldarynan týyndaǵan jahandyq turaqsyzdyq jaǵdaıynda bul platforma dıalog pen halyqaralyq yntymaqtastyq ortalyǵy retinde mańyzdy ról atqaratynyn atap ótti.
Sondaı-aq, byltyr Qazaqstan men Qytaı arasyndaǵy taýar aınalymy tarıhı rekordtyq kórsetkishke 41 mlrd AQSh dollaryna jetkenin aıtty.
“Qytaıdyń aımaqtaǵy saýda-sattyǵy men salǵan ınvestıııasynyń teń jartysy Qazaqstannyń úlesine tıesili. Byltyr Qazaqstan men Qytaı arasyndaǵy taýar aınalymy 41 mıllıard AQSh dollaryn qurady. Bul – tarıhı rekordtyq kórsetkish. 2023 jyly elderimiz arasyndaǵy júk tasymalynyń kólemi 22 paıyzǵa artyp, shamamen 30 mıllıon tonnaǵa jetti. Osydan on jyldan astam ýaqyt buryn QHR Tóraǵasy Sı zınpın Qazaqstanǵa jasaǵan sapary kezinde "Bir beldeý, bir jol" aýqymdy megajobasyn tanystyrǵan bolatyn. Atalǵan joba Shyǵys pen Batys arasyndaǵy negizgi kópir qyzmetin atqarady, al Qytaıdan Eýropaǵa qurlyq jolymen tasymaldanatyn júktiń 80 paıyzy Qazaqstan aýmaǵy arqyly ótedi. Bul mańyzdy artyqshylyqty biz tolyqqandy paıdalanýǵa tıispiz”, – dedi Qasym-Jomart Toqaev.
Prezıdent óz sózinde elimizdiń jańa ekonomıkalyq baǵytyna aıryqsha nazar aýdardy.
«Byltyr elimizdiń ekonomıkalyq ósimi 5,1 paıyzdy qurady. Bul álemdik ekonomıkanyń boljamdy damý qarqynynan shamamen eki ese kóp. Biz ortamerzimdi perspektıvada ekonomıkanyń ósimin keminde 6 paıyz deńgeıinde ustap turýdy jáne 2029 jylǵa qaraı onyń kólemin eki ese ulǵaıtýdy josparlap otyrmyz. Osy maqsatqa qol jetkizý úshin men jańa ekonomıkalyq baǵytty jarııaladym. Bul bastama kúshti ári qarqyndy damyǵan memleket qurýǵa baǵyttalǵan qurylymdyq reformalardy júzege asyrýdy kózdeıdi. Qazaqstandaǵy ashyq esik saıasaty, mol resýrstar jáne lıberaldy naryqtyq reformalar kóptegen sheteldik, sonyń ishinde qytaılyq kompanııalardyń da nazaryn aýdardy. Osy oraıda biz azııalyq seriktesterimizdi ekonomıkamyzǵa ınvestıııa quıýǵa, ózara tıimdi yntymaqtastyqtyń jańa baǵyttaryn qarastyrýǵa shaqyramyz”, – dedi Memleket basshysy.
