28 maýsymda Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty BAÁ-degi elshiliktiń burynǵy keńesshisi Sáken Mamashqa qatysty densaýlyqqa qasaqana jeńil zııan keltirý faktisi boıynsha isti qarady, dep habarlaıdy “Adyrna” ulttyq portaly.
Istiń mán-jaılary boıynsha elshi keńesshisi janjal barysynda jubaıyna qatysty fızıkalyq kúsh qoldanǵan.
"Sot otyrysy barysynda M. jáne onyń advokaty ákimshilik quqyq buzýshylyq týraly hattamamen kelispeı, onyń kinási is materıaldarymen dáleldenbegenin kórsetti, sondaı-aq quqyq buzýshylyq jasalǵan oryn QR ıýrısdıkııasyna jatpaıtynyn, odan bólek M-nyń áreketteri qylmystyq sot isin júrgizý sheńberinde jeke tergeý júrgizilip jatqan óziniń jáne onyń jubaıynyń arasyndaǵy otbasylyq-turmystyq is-áreketterge jatatynyn kórsetti", delingen sot habarlamasynda.
Sot qaýlysymen sottalýshy ÁQBtK-niń 73-1-baby boıynsha quqyq buzýshylyq jasaǵany úshin kináli dep tanylyp, 15 táýlik merzimge ákimshilik qamaýǵa alyndy.
Qaýly zańdy kúshine engen joq.
Aıta keteıik, BAÁ-degi Qazaqstan elshiliginde keńesshisi bolyp isteıtin Sáken Mamashtyń áıeli Karına Mamash kúıeýinen kóp jyldar boıy qorlyq kórip kelgenin aıtyp, polıııaǵa aryzdanǵan. Dıplomat áıeliniń aryzynan soń elge shaqyrtylyp, qyzmetinen bosatyldy.
