Tanymal äzılkeş, akter Tūrsynbek Qabatov ūşaqta mas küiınde beiädep söz aitqany üşın jazaǧa tartyldy. Būl turaly Joǧary sot mälımdedı, dep habarlaidy “Adyrna” ūlttyq portaly.
Mälımetke säikes, äzılkeşke ūsaq būzaqylyq jasady degen aiyp taǧyldy.
"Astana qalalyq Äkımşılık qūqyq būzuşylyq ıster jönındegı mamandandyrylǧan audanaralyq soty ūsaq būzaqylyq jasaǧany üşın aiyptalǧan adamǧa qatysty ıstı qarady (ÄQBtK-nıŋ 434-babynyŋ 1-bölıgı). Is materialdaryna säikes, aiyptaluşy ūşaq bortynda mas küiınde ädepsız sözder aitqan", – delıngen habarlamada.
Sotta ol bordserıktıŋ naşar qyzmetıne köŋılı tolmaitynyn aityp, olarǧa öz eskertuın bıldırgen. Ol özınıŋ ädepsız söz aitqany nemese aitpaǧany esınde joq ekenın alǧa tartqan, bıraq qoǧamdyq tärtıptı būzǧany üşın keşırım sūraǧan.
Kuä (aǧa bordserık) qūqyq būzuşynyŋ ūşaq bortynda mas küiınde bolǧanyn jäne ädepsız sözder aityp, sol arqyly qoǧamdyq tärtıp pen azamattardyŋ tynyştyǧyn būzǧanyn rastaǧan.
Qūqyq būzuşynyŋ kınäsı kuänıŋ aiǧaqtarymen, jolauşyny polisiiaǧa beru aktısımen, beinejazbamen jäne medisinalyq saraptama qorytyndysymen rastalady.
ÄQBtK-nıŋ 434-babynyŋ 1-bölıgınıŋ sanksiiasynda 20 AEK kölemınde aiyppūl salu nemese 5-ten 15 täulıkke deiın äkımşılık qamaqqa alu közdelgen. Sot jasalǧan ıs-ärekettıŋ kölemı men sipatyn, qoǧamǧa terıs äser etetın jäne qoǧamdy syilamauşylyqty körsetuge baǧyttalǧan, laiyqsyz mınez-qūlyqpen körınetın qūqyqqa qarsy mınez-qūlyqtyŋ jalǧasuyn eskere otyryp jaza taǧaiyndady.
Äzılkeş bes täulıkke äkımşılık qamauǧa alyndy. Sot ūiǧarymy zaŋdy küşıne engen joq jäne oǧan şaǧym jasauǧa bolady.
