Belgılı stendap-komik Aleksandr Merkul 10 täulıkke qamaldy. Būl turaly bügın Astana qalasynyŋ äkımşılık qūqyq būzuşylyq ısterı jönındegı mamandandyrylǧan audanaralyq sotynyŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, äzılkeşke qoǧamdyq orynda zalda otyrǧan qonaqtarǧa ädepsız sözder aitty degen aiyp taǧylǧan. Sot mälımetınşe, Aleksandr Merkul "Instagram" äleumettık jelısınde jäne "YouTube" arnasynda qoǧamdyq orynda söilegen sözınıŋ beinejazbasyn jariialap, sol arqyly ainalasyndaǧylarǧa qūrmetsızdık tanytqan.
"Sot otyrysynda A.İ.Merkul öz kınäsın tolyq moiyndap, jasaǧan äreketıne ökınış bıldırdı. 2024 jyly 7 mausymdaǧy beiädep sözder aitylǧan video meiramhanada ötken äzıl-ospaq aiasynda tüsırılgenın tüsındırdı”, – dedı sot.
Jasalǧan qūqyq būzuşylyqtyŋ män-jaiy qūqyq būzuşynyŋ aiǧaqtarymen, beinejazbamen, äkımşılık qūqyq būzuşylyq turaly hattamamen jäne ıstıŋ basqa da materialdarymen rastaldy.
“Äkımşılık qūqyq būzuşylyq turaly kodekstıŋ 434-baby 1-bölıgınıŋ (Ūsaq būzaqylyq) sanksiiasy 20 AEK mölşerınde aiyppūl saluǧa ne 5-ten 15 täulıkke deiıngı merzımge äkımşılık qamauǧa aluǧa äkelıp soǧady. Sot jazalau şarasyn qūqyq būzuşylyq jasalǧanǧa deiın jäne odan keiıngı ärekettıŋ, mınez-qūlyqtyŋ qoǧamdyq qauıptılık därejesı men sipatyn eskere otyryp taǧaiyndady. Osylaişa, sot qaulysymen qūqyq būzuşy äkımşılık qūqyq būzuşylyq jasaǧany üşın kınälı dep tanylyp, 10 täulık merzımge äkımşılık qamauǧa alyndy”, – delıngen habarlamada.
Aita ketsek, Aleksandr Merkul – elımızdegı tanymal stendap-komikterdıŋ bırı. Onyŋ paraqşasynda 456 myŋ jazyluşy bar.
