Belgili qazaqstandyq jýrnalıst Mıhaıl Kozachkov eks-Mádenıet jáne sport mınıstri Arystanbek Muhamedıulynyń múddesin qorǵaǵan advokat Mustahım Tóleevtiń ustalǵany týraly málimdedi, dep habarlaıdy “Adyrna” ulttyq portaly.
Astanada burynǵy Mádenıet mınıstri Arystanbek Muhamedıulyn qorǵaǵan advokat Mustahım Tóleev ustaldy. Aldyn ala boljam boıynsha, advokattyq ótinishti eks-sheneýniktiń áıeli jazǵan. Ol kúıeýine jeńil jaza taǵaıyndaý úshin advokatqa biraz aqsha berdim dep otyr, - delingen habarlamada.
Jýrnalıstiń aıtýynsha, qylmystyq is «Alaıaqtyq» jáne «Para berýge ıtermeleý» baptary boıynsha tirkelgen.
Advokat Tóleev ızolıatorǵa qamaldy.
Eske salaıyq, 2022 jyldyń 16 mamyrynda Muhamedıulynyń úıinde jáne Ulttyq mýzeıde tintý jumystary júrgizilip jatqany belgili boldy. Keıinirek eks-mınıstr óz-ózine qol jumsady degen aqparat tarady.
Alaıda onyń ókilderi bul aqparatty joqqa shyǵardy. Keıin Muhamedıulynyń óziniń áleýmettik jelidegi paraqshasynda prezıdent Qasym-Jomart Toqaevtyń atyna úndeýi paıda boldy. Onda eks-mınıstr sybaılas jemqorlyqqa qarsy tergeýdiń bastalǵanyn rastap, ony belgili akter Tuńǵyshbaı Jamanqulovpen arasyndaǵy kelispeýshiliktermen baılanystyrdy. Keıin Jamanqulov Muhamedıulynyń ústinen aryz jazǵannyń ózi ekenin rastady. Sol kúni sybaılas jemqorlyqqa qarsy qyzmet ulttyq mýzeıdiń sheneýnikterine 146 mıllıon teńge jymqyrdy degen aıyp taǵylǵanyn habarlady.
1 shildede Muhamedıuly Almaty qalasyndaǵy «Respýblıkalyq sý jáne qoldanbaly sport túrlerinen joǵary sport sheberligi mektebi» memlekettik kásipornynyń vedomstvolyq baǵynystaǵy ǵımaratyn enshiles uıymnyń paıdasyna jeńildetilgen baǵamen ıelikten shyǵarýǵa kómekteskeni belgili boldy. Osy epızod jáne keıbir derekter boıynsha, 2,218 mlrd teńge kóleminde shyǵyn keltirilgen.
24 qańtarda Muhamedıuly isine qatysty QR Ulttyq mýzeıi dırektorynyń eks-orynbasary Almaz Nurazhannyń ustalǵany belgili boldy.
20 maýsymda Muhamedıuly segiz jylǵa bas bostandyǵynan aıyryldy.
