Astanada äskeri qyzmetten qaşqany üşın aiyptalǧan Resei Federaldyq qauıpsızdık qyzmetınıŋ (FSO) būrynǧy qyzmetkerı Mihail Jilin qamauǧa alyndy, dep habarlaidy “Adyrna” ūlttyq portaly KazTag-qa sılteme jasap.
«2022 jylǧy 12 jeltoqsanda Astana qalasynyŋ mamandandyrylǧan audanaralyq tergeu soty Esıl audany prokuraturasynyŋ ūsynysy boiynşa Resei azamaty M. Jilinge qatysty ony 40 täulıkke uaqytşa qamauǧa alu turaly şeşım qabyldady», - dep habarlady elordalyq sottyŋ baspasöz qyzmetı.
Būǧan deiın «Nege» portaly Jilinnıŋ Qazaqstannan bosqyn märtebesın alǧysy keletının jazǧan bolatyn.
«Ol memlekettık şekarany zaŋsyz kesıp öttı (RF Qylmystyq kodeksınıŋ 322-baby, ekı jylǧa deiın bas bostandyǧynan aiyru) jäne äskeri jauapty qyzmet ornyn öz erkımen tastap ketkenı üşın (RF Qylmystyq kodeksınıŋ 338-baby, 15 jylǧa deiın) dep aiyptaluda. Qaşqyn FSO-da 18 jyl qyzmet ettı. Novosibirsk qalasyndaǧy FSO arnaiy bailanys jäne aqparat ortalyǧynyŋ injenerı bolǧan. Ol ükımettık bailanystardy qamtamasyz etumen ainalysqan, būl onyŋ memlekettık qūpiialarǧa qatysy bar ekenın bıldıredı», - delıngen habarlamada.
FSO memlekettık qauıpsızdıktı qamtamasyz etu, memlekettık organdardyŋ qajettılıkterı üşın bailanys salasyndaǧy memlekettık saiasatty, qūqyqtyq retteudı, baqylaudy jäne qadaǧalaudy äzırleu jäne ıske asyru funksiialaryn, sondai-aq memlekettık organdardyŋ qyzmetın aqparattyq tehnologiialar men aqparattyq-taldaudy qamtamasyz etu funksiialaryn oryndaidy.
