Qazaqstan Prezidentı Qasym-Jomart Toqaev Koreia Respublikasyna memlekettık sapary barysynda Lotte Group basqarma töraǧasy Don Bin Şinmen kezdestı, dep habarlaidy “Adyrna”.
Būl turaly Aqorda habarlady.
Kezdesu barysynda Qazaqstandaǧy qonaqüi biznesın damytu jäne investisiialyq jobalardy jüzege asyru mäselelerı talqylandy.
Don Bin Şin Lotte brendımen Almaty men Alatau qalalarynda qonaqüiler salu josparyn tanystyrdy. Sonymen qatar kompaniia ökılı Alatau City jobasyn damytuǧa, sonyŋ ışınde Iconic Complex keşenınıŋ qūrylysyna qatysuǧa niettı ekenın jetkızdı.
Kezdesude Lotte Group-tyŋ Qazaqstandaǧy tamaq önerkäsıbı, logistika jäne qonaqüi biznesı salalaryna investisiia salu jospary da söz boldy.
Öz kezegınde Qasym-Jomart Toqaev koreialyq kompaniianyŋ Qazaqstandaǧy tabysty jobalaryna toqtaldy. Atap aitqanda, «Rahat» brendın damytu jäne Almaty men Şymkent qalalaryndaǧy öndırıstık alaŋdardy jaŋǧyrtu baǧyttaryndaǧy jūmystar atap ötıldı.
Lotte Corporation – 1967 jyly Seulde qūrylǧan ırı oŋtüstıkkoreialyq konglomerattardyŋ bırı. Kompaniia 60-tan astam käsıptı bırıktıredı.
