Oralda bastaýysh synyp muǵalimi Nadejda Nıkıtınany óz páterinde óltirip ketken. Muǵalimniń denesi 25 sáýirde tabyldy, - dep habarlaıdy “Adyrna” ulttyq portaly "Moı gorod" basylymyna silteme jasap.
Polıııanyń málimetinshe is 99-bap «Kisi óltirý» boıynsha tergelýde. Jedel izdestirý sharalary júrip jatqandyqtan, basqa málimetter jarııalanbaıdy.
Qalalyq bilim bólimi marqumnyń tárbıeli ári jaýapkershiligi mol ustaz ekenin aıtty. Muǵalimdik jumys ótili 40 jyl, onyń 35 jylynda bir mektepte jumys istegen.
Nıkıtına jumys istegen N9 mektep ujymy áleýmettik jelide marqumnyń jaqyndarynyń qaıǵysyna ortaqtasyp kóńil aıtty.
«25 sáýir kúni mektebimiz qurylǵan kúnnen bastap jumys istegen bastaýysh synyp muǵalimi Nadejda Vladımırovna Nıkıtına kenetten qaıtys boldy. Nadejda Vladımırovna jumys barysynda bir emes birneshe urpaq tárbıelep ósirdi, óz isiniń kásibı mamany, súıikti ustaz boldy. Bul júzdegen uldar men qyzdar jáne onyń jaqyndary úshin orny tolmas qaıǵy-qasiret” dep atap ótti ujymy.
Kórshileriniń aıtýynsha, ol meıirimdi, jaýapkershiligi mol, janashyr adam bolǵan. Muǵalim bos ýaqytynda ózi turǵan úıdiń ómirine belsene aralasty.
«Óte aqkóńil, jaýapkershiligi mol jaqsy adam edi. 24 jyl birge turdyq, ol jaqynda ǵana anasyn jer qoınyna tapsyrǵan edi. Ol kúıeýimen birge 10 jyl buryn birge turǵan. Onyń artynda eki qyzy, bir aǵasy jáne nemereleri qaldy. Bul sýret meniń kóz aldymda», - deıdi kórshisi Álııa Esqalıeva.
