ادام ولتىرۋگە وقتالعان كۇدىكتى وڭتۇستىك كورەيادان قازاقستانعا ەكستراديتسيالاندى، دەپ حابارلايدى “ادىرنا” ۇلتتىق پورتالى باس پروكۋراتۋرانىڭ ءباسپاسوز قىزمەتىنە سىلتەپ.
«بۇگىن قازاقستان رەسپۋبليكاسى باس پروكۋراتۋراسى مەن ىشكى ىستەر مينيسترلىگى ينتەرپولىنىڭ قىزمەتكەرلەرى قازاقستاننىڭ كورەيا رەسپۋبليكاسىنداعى ەلشىلىگىنىڭ كومەگىمەن ادام ولتىرۋگە وقتالۋ فاكتىسى بويىنشا كۇدىكتىنى قىلمىستىق جاۋاپكەرشىلىككە تارتۋ ءۇشىن ەكستراديتسيالادى»، - دەلىنگەن حابارلامادا.
2022 جىلدىڭ ناۋرىز ايىندا تۇركىستان وبلىسى ساۋران اۋدانىندا اتالعان ازامات اۋىلداسىمەن جانجالداسىپ، سوڭى توبەلەسكە ۇلاسقانى حابارلاندى.
«توبەلەس كەزىندە كۇدىكتى قارسىلاسىنىڭ كەۋدە تۇسىنا بىرنەشە رەت پىشاق سۇققان. دەر كەزىندە كورسەتىلگەن مەديتسينالىق كومەكتىڭ ارقاسىندا زارداپ شەگۋشى امان قالدى»، - دەلىنگەن حابارلامادا.
انىقتالعانداي، كۇدىكتى اتالعان قىلمىستى جاساعاننان كەيىن 2024 جىلدىڭ ماۋسىم ايىندا كورەيا رەسپۋبليكاسىنىڭ اۋماعىندا جاسىرىنعان جەرىندە ۇستالعان.
قازىر ول استاناداعى تەرگەۋ يزولياتورىنا قامالدى.
