Almaty qalasynda komiuniti-ortalyqtar jastardy bırıktıretın zamanaui keŋıstıkter retınde qarqyndy damyp keledı. Bügınde būl ortalyqtar bılım alu, şyǧarmaşylyqpen ainalysu, özın-özı damytu jäne qoǧamdyq belsendılıktı arttyruǧa arnalǧan maŋyzdy platformalarǧa ainaldy.
Qalanyŋ barlyq audandarynda ornalasqan komiuniti-ortalyqtarda almatylyq jastar tegın bılım beru kurstaryna, şeberlık sabaqtaryna, käsıpkerlık pen mediasauattylyq boiynşa treningterge qatysyp, volonterlık jobalarǧa, ekologiialyq aksiialarǧa, mädeni jäne sporttyq ıs-şaralarǧa belsene aralasuda. Mūnda jastardyŋ soft skills daǧdylaryn damytuǧa, bastamalaryn qoldauǧa jäne äleumettık maŋyzy bar jobalarǧa tartuǧa erekşe köŋıl bölınedı.
Komiuniti-ortalyqtar jastar, sarapşylar jäne qalalyq qūrylym ökılderı arasyndaǧy aşyq dialog alaŋyna ainaluda. Kezdesuler, forsait-sessiialar men aşyq talqylaular barysynda jastar Almatynyŋ damuyna qatysty öz ūsynystaryn bıldırıp, startap jobalaryn tanystyryp, qalalyq kün tärtıbın qalyptastyruǧa atsalysuda. Būl täsıl jastardyŋ äleuetın aşumen qatar, olardy qalany basqaru üderısterıne tartuǧa mümkındık beredı.
Sonymen qatar volonterlık qozǧalysty damytu — ortalyqtardyŋ negızgı baǧyttarynyŋ bırı. Komiuniti-ortalyqtar bazasynda eko-belsendıler, media-volonterler men qoǧamdyq kömekşıler komandalary qūrylyp, olar qalalyq senbılıkterge, profilaktikalyq reidterge, äleumettık jäne ekologiialyq bastamalarǧa qatysuda. Būl jastar arasynda azamattyq jauapkerşılık pen belsendı ömırlık ūstanymdy qalyptastyruǧa yqpal etedı.
Zamanaui infraqūrylym, aşyq atmosfera jäne türlı formattaǧy baǧdarlamalar komiuniti-ortalyqtardy mektep oquşylary, studentter jäne jūmys ısteitın jastar arasynda keŋınen tanymal etude. Mūnda är jas öz qyzyǧuşylyǧyna sai baǧytty — kreativtı industriialardan bastap IT, sport pen qoǧamdyq qyzmetke deiın taba alady.
Komiuniti-ortalyqtar jelısınıŋ damuy Almaty qalasynyŋ jastar saiasatyna jüielı közqarasyn körsetedı. Būl – jastardyŋ özın-özı jüzege asyruyna qolaily orta qalyptastyru, talanttardy qoldau jäne belsendı azamattar qauymdastyǧyn damytuǧa baǧyttalǧan maŋyzdy qadam. Bügınde būl keŋıstıkter ideialar tuyndaityn, äleumettık bailanystar nyǧaia tüsetın jäne Almatyny jastar üşın mümkındıkter qalasy retınde tanytatyn basty tartylys nüktelerıne ainalyp otyr.
