Almaty oblysy Eńbekshiqazaq aýdany Shelek aýylyndaǵy janarmaı quıý beketinde órt boldy. Bul týraly oblystyq tótenshe jaǵdaılar departamenti jazdy, dep habarlaıdy «Adyrna» tilshisi.
«2023 jylǵy 14 jeltoqsanda saǵat 19:22-de Almaty oblysy TJD kezekshi bólimine Eńbekshiqazaq aýdany Shelek aýylynda operatorlyq avtojanarmaı quıý beketiniń jáne jalpy kólemi 30 tekshe metrdi quraıtyn jaqyn mańdaǵy ısternalardyń janǵany týraly habarlama kelip tústi.
Shaqyrý ornyna Almaty oblysynyń TJD kúshteri men quraldary, barlyq shuǵyl ózara is-qımyl qyzmetteri jiberildi.
Órt saǵat 20:15-te 80 sharshy metr aýmaqta oqshaýlanyp, saǵat 21:41-de joıyldy. Jedel qabyldanǵan sharalardyń nátıjesinde órt ornyna jaqyn ornalasqan gaz quıý quıý beketine (30 m qashyqtyqta), mınımarketke (10 m) jáne turǵyn úı sektoryna (15 m) ottyń taraýyna jáne janarmaı quıý ısternalarynyń jarylýyna jol berilmedi»,—delingen habarlamada.
Departamenttiń baspasóz qyzmeti órt saldarynan 1967 jyly týǵan janarmaı kóliginiń júrgizýshisi zardap shekkenin atap ótti. Ol orta dárejedegi termııalyq kúıik alǵan.
Qazirgi tańda órttiń sebebin anyqtaý úshin Almaty oblysy TJD synaq órt zerthanasy men anyqtaý bóliminiń qyzmetkerleri jumys istep jatyr.
Órtti sóndirýge Almaty oblysy TJD 20 qyzmetkeri men 8 tehnıkasy, aýdandyq polıııa bóliminiń 5 qyzmetkeri men 2 tehnıkasy, jedel medıınalyq járdem brıgadasynyń 3 qyzmetkeri men tehnıkasy jumyldyryldy.
