Almaty oblysy Eŋbekşıqazaq audany Şelek auylyndaǧy janarmai qūiu beketınde ört boldy. Būl turaly oblystyq tötenşe jaǧdailar departamentı jazdy, dep habarlaidy «Adyrna» tılşısı.
«2023 jylǧy 14 jeltoqsanda saǧat 19:22-de Almaty oblysy TJD kezekşı bölımıne Eŋbekşıqazaq audany Şelek auylynda operatorlyq avtojanarmai qūiu beketınıŋ jäne jalpy kölemı 30 tekşe metrdı qūraityn jaqyn maŋdaǧy sisternalardyŋ janǧany turaly habarlama kelıp tüstı.
Şaqyru ornyna Almaty oblysynyŋ TJD küşterı men qūraldary, barlyq şūǧyl özara ıs-qimyl qyzmetterı jıberıldı.
Ört saǧat 20:15-te 80 şarşy metr aumaqta oqşaulanyp, saǧat 21:41-de joiyldy. Jedel qabyldanǧan şaralardyŋ nätijesınde ört ornyna jaqyn ornalasqan gaz qūiu qūiu beketıne (30 m qaşyqtyqta), minimarketke (10 m) jäne tūrǧyn üi sektoryna (15 m) ottyŋ tarauyna jäne janarmai qūiu sisternalarynyŋ jaryluyna jol berılmedı»,—delıngen habarlamada.
Departamenttıŋ baspasöz qyzmetı ört saldarynan 1967 jyly tuǧan janarmai kölıgınıŋ jürgızuşısı zardap şekkenın atap öttı. Ol orta därejedegı termiialyq küiık alǧan.
Qazırgı taŋda örttıŋ sebebın anyqtau üşın Almaty oblysy TJD synaq ört zerthanasy men anyqtau bölımınıŋ qyzmetkerlerı jūmys ıstep jatyr.
Örttı söndıruge Almaty oblysy TJD 20 qyzmetkerı men 8 tehnikasy, audandyq polisiia bölımınıŋ 5 qyzmetkerı men 2 tehnikasy, jedel medisinalyq järdem brigadasynyŋ 3 qyzmetkerı men tehnikasy jūmyldyryldy.
