Tamyzdyń 25-inen 26-syna qaraǵan túni Túrkistan oblysy Jetisaı qalasyndaǵy «Kúlparshyn ana» bazarynda iri órt shyqty. Bul saýdagerlerdi narazylyq bildirýge ıtermeledi. Bul týraly jelide vıdeo tarady, dep habarlaıdy “Adyrna” ulttyq portaly.
Ereýilshiler bazar ornalasqan kósheni jaýyp tastady. Olar órtengen taýarlar úshin ótemaqy talap etti.
Azamattar bazar ákimshiliginiń meńgerýshisiniń shyǵýyn kútip turǵanymen, olardyń ornyna máslıhat depýtaty Qaırat Balabıev shyqty. Ol «olardyń máselesin jaqsy túsinetinin» atap ótip, ereýilshilerdi tynyshtandyrýǵa tyrysty.
Ara-tura depýtattyń qolynan mıkrofon tartyp alyp, shyǵynnyń ornyn toltyrýdy talap etti. Óıtkeni satýshylardyń nesıesi bar. Al Balabıev satýshylardan jaldaý aqysy alynbaıdy dep ýáde berdi.
Satýshylar jergilikti bılikten órtke baılanysty shyǵyndy óteý týraly ýádelerin qujattaýdy talap etti. Ázirge bul oryndalǵan joq.
Ákimdik aldymen zardap shekkenderdiń sanyn anyqtap, materıaldyq shyǵyndy baǵalaý kerektigin atap ótedi . Oblysta oqıǵanyń sebepterin anyqtaý úshin komıssııa quryldy.
”Adyrna” ulttyq portaly
