Mekkege qajylyq kezinde aptap ystyqtan myńnan astam adam kóz jumdy. Bul týraly Agence France-Presse basylymy jazdy, dep habarlaıdy «Adyrna» tilshisi.
Sheteldik BAQ Egıpettiń 658, Úndistannyń 68, Iordanııanyń 60, Pákistannyń 35, Týnıstiń 35 azamaty qaza tapqanyn málimedi. Al Qazaqstan musylmandary dinı basqarmasy elden barǵan qajylardyń din aman ekenin jetkizdi.
Qazirgi tańda 3 myńnan astam adam aýrýhanada jatyr.
Aıta keteıik, Mekke qalasynda synap baǵanasy 50 gradýstan asady. Saýd Arabııasynyń resmı ókilderi taratqan derekke súıensek, elge álemniń 22 memleketinen 1,5 mıllıonnan astam qajy kelgen.
Buǵan deıin qajylyq kezinde 500-den astam adamnyń kóz jumǵanyn jazǵan edik.
