مەككەگە قاجىلىق كەزىندە اپتاپ ىستىقتان مىڭنان استام ادام كوز جۇمدى. بۇل تۋرالى Agence France-Presse باسىلىمى جازدى، دەپ حابارلايدى «ادىرنا» ءتىلشىسى.
شەتەلدىك باق ەگيپەتتىڭ 658, ءۇندىستاننىڭ 68, يوردانيانىڭ 60, پاكىستاننىڭ 35, ءتۋنيستىڭ 35 ازاماتى قازا تاپقانىن مالىمەدى. ال قازاقستان مۇسىلماندارى ءدىني باسقارماسى ەلدەن بارعان قاجىلاردىڭ ءدىن امان ەكەنىن جەتكىزدى.
قازىرگى تاڭدا 3 مىڭنان استام ادام اۋرۋحانادا جاتىر.
ايتا كەتەيىك، مەككە قالاسىندا سىناپ باعاناسى 50 گرادۋستان اسادى. ساۋد ارابياسىنىڭ رەسمي وكىلدەرى تاراتقان دەرەككە سۇيەنسەك، ەلگە الەمنىڭ 22 مەملەكەتىنەن 1,5 ميلليوننان استام قاجى كەلگەن.
بۇعان دەيىن قاجىلىق كەزىندە 500-دەن استام ادامنىڭ كوز جۇمعانىن جازعان ەدىك.
