Qaraǵandy oblysyndaǵy Ǵabıden Mustafın aýylynda túnde turǵyn úıde órt shyǵyp, saldarynan eki adam qaza tapty. Taǵy bir adam aýrýhanaǵa jatqyzyldy. Bul týraly Qaraǵandy oblysynyń tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Vedomstvonyń habarlaýynsha, 6 qarashada túnde Qaraǵandy oblysy Buqar jyraý aýdanyndaǵy Ǵabıden Mustafın aýylynda jalpy aýmaǵy 40 sharshy metr bolatyn jeke turǵyn úıde órt shyqqan.
Oblystyq TJD málimetinshe, órt saldarynan 2 adam qaza tapty. Kúıik shalyp, ıis tıgen úı ıesin tótenshe jaǵdaılar qyzmeti mamandary qutqardy. Zardap shekken azamat aýyldyq aýrýhanaǵa jatqyzylǵan.
«Tilsiz jaý ashyq ot kózinen shyqqan (sóndirilmegen temeki, sirińke)», — dep túsindirdi Qaraǵandy oblysynyń tótenshe jaǵdaılar departamenti ókilderi. Buǵan deıin Qaraǵandyda 2 qabatty jeke monsha ǵımaratynda tóbesi men tóbesiniń aǵash qaptamalary órtengeni habarlanǵan edik. Qurbandar men zardap shekkender joq.
