AQŞ-tyŋ Kentukki ştatynda jük ūşaǧy apatqa ūşyrady. Oqiǧa saldarynan kem degende jetı adam qaza tauyp, taǧy 11 adam jaraqat aldy, dep habarlaidy «Adyrna» tılşısı KTTS arnasyna sılteme jasap.
Ştat gubernatory Endi Beşir äleumettık jelıdegı jazbasynda ūşaq apaty Luisvill qalasyndaǧy Mūhammed Äli atyndaǧy halyqaralyq äuejaida bolǧanyn naqtylady. Onyŋ aituynşa, UPS jük tasymaldau kompaniiasyna tiesılı ūşaq ūşu-qonu jolaǧynan köterılgennen keiın bırden qūlaǧan.
«Qaza tapqandar sany kemınde jetı adamǧa jettı, ökınışke qarai, būl körsetkış älı de ösuı mümkın», — dedı Beşir.
Gubernatordyŋ mälımetınşe, kompaniianyŋ ekı qyzmetkerı ız-tüssız joǧalǧandar qatarynda. Al 11 jaralanǧan adam jaqyn maŋdaǧy medisinalyq mekemelerge jetkızılıp, tiıstı kömek körsetılude.
Qazırgı taŋda apat saldarynan şyqqan örttı söndıru jäne onyŋ taraluyn toqtatu jūmystary jürıp jatyr.
