Arystanbek Mūhamediūly men özge de tūlǧalarǧa qatysty ıs Astana qalasynyŋ Baiqoŋyr audandyq sotyna tüstı. Būl turaly Astana qalalyq sotynyŋ baspasöz qyzmetı taratty, dep habarlaidy “Adyrna” ūlttyq portaly.
«Baiqoŋyr audandyq №2 soty biudjet qarajatyn talan-tarajǧa salu aiyby taǧylǧan A. Mūhamediūly, A. Nūrazhan, A. Köşenov jäne A. Saduaqasovany aiyptau boiynşa qylmystyq ıstı öndırıske aldy. Atalǧan qylmystyq ıs boiynşa basty sot talqylauy aşyq sot otyrysynda 2023 jylǧy 17 säuır künı saǧat 10:00-ge belgılengen», - delıngen aqparatta.Esterıŋızge salsaq, 2022 jyldyŋ 28 mamyrynda sot sanksiiasymen Ūlttyq muzei direktory Arystanbek Mūhamediūlyna qatysty «küzetpen ūstau» būltartpau şarasy taŋdaldy. Tergeu «Altyn adamnyŋ älem mūrajailary boiynşa şeruı» halyqaralyq körmesın ötkızuge, sondai-aq «Qazaqstannyŋ ūlttyq kielı nysandary men muzei qorlaryn jalpymemlekettık fotogrammetriialyq 3D-skanerleu» jäne «Qazaqstan Respublikasynyŋ Ūlttyq sifrlyq kinokolleksiiasyn sifrlandyru» jobalaryna bölıngen biudjet qarajatyn ūrlau faktılerı boiynşa jürgızılgen bolatyn.. Odan bölek, Arystanbek Mūhamediūlynyŋ Mädeniet jäne sport ministrı lauazymynda bolǧan kezınde tuystarynyŋ jäne ülestes tūlǧalarynyŋ menşıgıne «Su jäne qoldanbaly sport türlerı boiynşa respublikalyq joǧary sport şeberlıgı mektebı» RMQK, «Qazaq ensiklopediiasy» AQ jäne «Qazaq ǧylymi-zertteu mädeniet instituty» JŞS zaŋsyz beruge qatystylyǧy tekserıldı. Tergelgen qylmystyq ıster boiynşa memleketke keltırılgen zalaldyŋ aldyn ala somasy şamamen 7 mlrd teŋge dep baǧalanǧan edı.
Ūqsas jaŋalyqtar
