Joǵarǵy keńes Qytaı-Qyrǵyzstan-Ózbekstan temir jolyn salý týraly zań jobasyn úsh oqylymda maquldady, dep habarlaıdy "Adyrna" ulttyq portaly Ferǵana agenttigine siltep.
Qyrǵyzstan úkimetiniń baspasóz qyzmeti úsh memlekettiń úkimetteri arasyndaǵy tıisti kelisimdi ratıfıkaııalaıtyn qujat biraýyzdan qabyldanǵanyn habarlady.
Halyq ókilderine kólik jáne kommýnıkaııa mınıstriniń orynbasary Yrysbek Barıev jobany tanystyrdy. Shendiniń sózinshe temir jol qurylysy Qyrǵyzstan ekonomıkasynyń damýyna oń áser etip, halyqqa kórsetiletin kólik qyzmetiniń keńeıýine áser etpek. Jańa dáliz Eýrazııalyq kontınentaldyq kópirdiń ońtústik tarmaǵyna aınalady jáne Ońtústik-Shyǵys Azııa men Taıaý Shyǵys naryǵyna jol ashady. Sondaı-aq, qashyqtyq pen júrý ýaqytyn qysqartý arqyly tasymaldaýdyń básekege qabilettiligin arttyrady.
«Bul baǵyt Qytaıdan Qyrǵyzstanǵa, sondaı-aq Ortalyq Azııa men Taıaý Shyǵys elderine, sonyń ishinde Túrkııaǵa jáne odan ári Eýropalyq Odaqqa júk jetkizýdi qamtamasyz ete alady», - dedi Barıev.
Jobany úsh el birlese qurǵan kásiporyn júzege asyratyny belgili, onda Qytaı temir joly eń kóp úlestiǵ ıaǵnı 51 paıyzdy alady. Al Qyrǵyzstan men Ózbekstannyń negizgi memlekettik kompanııalary árqaısysynyń jarǵylyq kapıtalynda 24,5 paıyzdan bolady.
Qytaı bıligi temirjol jelisin salýǵa 2,35 mıllıard dollar nesıe bólse, qyrǵyzstandyqtarǵa 10 myńǵa jýyq jumys orny ashylady dep kózdelýde. Sarapshylardyń pikirinshe, jańa baǵyttyń arqasynda respýblıka tek júk tranzıtinen jylyna shamamen 200 mıllıon dollar tabys tabady.
