AQSh Reseıdiń energetıka salasyna qatań sankııa salǵan soń, úsh reseılik tanker Qytaı porttaryna kire almady. Olardyń bortynda 2 mıllıon barrel munaı bar, dep habarlaıdy “Adyrna” ulttyq portaly DW saıtyna siltep.
13 qańtarda Bloomberg agenttigi AQSh sankııalaryna ushyraǵan úsh reseılik tankerdiń Shandýn provınııasyndaǵy porttarǵa jaqyndaǵan kezde toqtap, dreıfke ketkenin habarlady. Olia, Mermar jáne Huihai Pacific tankerleri Reseıdiń Qozmın portynan Qytaıǵa qaraı 2 mıllıon barrel munaı tasymaldap kele jatqan. Bul málimetterge Kpler kompanııasynyń keme monıtorıngi derekteri negiz bolǵan.
Tankelerdiń toqtap qalýyna sebep — AQSh sankııalaryna ushyraǵan kemelerge Shandýn porttar tobyna kirýge tyıym salǵan. Bul porttar Qytaıdyń shyǵysyndaǵy iri porttardy biriktiredi. Buǵan qatysty aqparatty Reuters agenttigi bir apta buryn habarlaǵan bolatyn.
10 qańtarda AQSh-taǵy Djo Baıdenniń ákimshiligi Reseıdiń energetıka sektoryna qarsy eń qatań sankııalaryn engizgen. Olardyń arasynda 183 keme bar, olar AQSh bıligi boıynsha Reseıdiń "qupııa flotyna" jatady jáne sankııalardy aınalyp ótetin munaı tasymaldaýda qoldanylyp kelgen.
Reseılik kemelerdiń munaıdy túsirý máselesi basqa aımaqtarda da týyndaǵan. Mysaly, The Bell basylymynyń málimetinshe, Ispanııa jaǵalaýynda Gazprom zaýytynan SPG partııasyn alyp kele jatqan Cool Rover gaz tasymaldaýshysy zákir tastaǵan. Gaz tasymaldaýshysy qaıda baǵyttalatyny ázirge belgisiz.
