Atyraý oblysynda áıelge qol kótergen sheneýnikke qatysty úkim shyqty, dep habarlaıdy "Adyrna" ulttyq portaly.
Maqat aýdanynyń ákimi burynǵy áıelin soqqyǵa jyqqany týraly habarlanǵan edi. №2 sotynda burynǵy áıeli Aqmaral Úmbetqalıevany júıeli túrde uryp-soqty dep aıyptalǵan.
“Janjal kezinde Rınat Ibragımov jábirlenýshiniń ózine materıaldyq táýeldi ekenin paıdalanyp, osy negizde janjal shyǵaryp, áıeliniń oń ıyǵynan ustap, esikti jaýyp, bólmege kirgizgen. Eshkimniń kedergi jasamaıtynyna kóz jetkizip, ony edenge qulatqan jáne sol jaq sanynan birneshe ret tepkilegen. Sonyń saldarynan jábirlenýshi Aqmaral Úmbetqalıevanyń 5-omyrtqasy synyp, ortasha aýyrlyqtaǵy zaqym alǵan”, – delingen habarlamada.
Sottalýshynyń kinási jábirlenýshiniń aıǵaqtarymen, saraptama qorytyndysymen jáne basqa da dáleldemelermen dáleldendi. Qylmystyq kodekstiń 107-baby 2-bóliginiń 3-tarmaǵy “Materıaldyq nemese ózge de táýeldilikte bolǵan adamǵa qatysty densaýlyqqa qasaqana aýyrlyǵy ortasha zııan keltirý” boıynsha sotqa tartylǵan edi.
Aıta keteıik, 2023 jylǵy 31 mamyrda Atyraý qalasynda páterde jábirlenýshi men sottalýshynyń arasynda janjal bolǵan.
