Atyrau oblysynyŋ Mädeniet jäne tılderdı damytu basqarmasy Auǧanstan demokratiialyq respublikasynan Keŋes äskerlerı şekteulı kontingentınıŋ şyǧarylǧanynyŋ 35 jyldyǧyna arnap saltanatty şara ötkızbekşı, - dep habarlaidy Adyrna ūlttyq portaly www.goszakup.gov.kz saityna sılteme jasap.
Auǧanstanǧa KSRO äskerın kırgızu turaly şeşım 1979 jyldyŋ 12 jeltoqsanynda qabyldandy. Arada on bes kün ötken soŋ, 27 jeltoqsanda qyzyl äsker Auǧanstan şekarasyna basyp kırdı. KSRO Qaruly küşterı 1978 jyly Auǧanstanda bolǧan säuır töŋkerısınen keiın bilıkke kelgen "halyqtyq, demokratiialyq ükımettı qoldap", körşıles eldıŋ sosialistık baǧytta damuyna müddelı bolǧan edı. Keŋester Odaǧy äskerınıŋ Auǧanstan aumaǧyn basyp kırgenı, onymen qoimai ışkı ısıne qol sūqqany jergılıktı halyqqa ūnamai, ymyrasyz soǧys bastaldy. Ol soǧys on jylǧa sozylyp, 1989 jyldyŋ 15 aqpanynda Keŋes äskerı "şegınuge" mäjbür boldy.
Täuelsız Auǧan elıne KSRO-nyŋ äsker kırgızuınıŋ dūrys-būrystyǧyna tarihi tūrǧydan älı baǧa berılgen joq. Arada şirek ǧasyrdan asa uaqyt ötse de Auǧanstanda qan keşken myŋdaǧan internasional-äskeriler kım üşın, ne üşın soǧysqandaryn bıle almai keledı.
Däl osyndai jūmbaǧy köp soǧystyŋ aiaqtalǧanyna 35 jyl toluyn Täuelsız Qazaqstan elınıŋ maŋyz berıp, toilaǧany qanşalyqty dūrys? Auǧanstannan Keŋes äskerı şyǧarylǧan kündı toilau arqyly bız Keŋester odaǧynyŋ sol kezdegı saiasatyn qoldaimyz ba, joq älde aiyptamaqpyz ba?
Atyrau oblysynyŋ Mädeniet basqarmasy būl sūraqtarǧa jauap ızdep äure bolmasa kerek, saltanatty şarany ötkızuge oblys biudjetınen 3 500 000 teŋge bölıp tender ötkızıptı. Tenderdıŋ tehnikalyq sipattamasynda saltanatty şaranyŋ 15 aqpan künı Mahambet Ötemısūly atyndaǧy qazaq drama teatrynyŋ konserttık zalynda ötetını körsetılgen. Sondai-aq, tapsyrysty oryndauşy 50 dana şaqyru bilet taratyp, 2 dana banner şyǧaryp, sahnany bezendırıp, 6 dana otşaşu şaşuǧa, t.b jūmystar atqaruǧa mındettelgen.
Memlekettık satyp aludyŋ jeŋımpazy 31 qaŋtar künı anyqtalady.
Bır qyzyǧy, tehnikalyq sipattamada ardagerlerge 40 gül syilau turaly da jazylypty. Resmi mälımetterge süiensek, 1979-1989 jyldary aralyǧyndaǧy Auǧan soǧysyna Atyrau oblysynan 782 jauynger qatysqan. Sonda atyraulyq 782 jauyngerden bügıngı taŋda aman qalǧany qyryq-aq ardager me? Mädeniet basqarmasy ardagerlerge qūrmet körseter bolsa, nege bärın tūtas qamtymaidy?
Bız kökeige kelgen joǧarydaǧy sūraqtardy Atyrau oblystyq Mädeniet jäne tılderdı damytu basqarmasynyŋ basşysyna joldadyq. Jauap kelıp jatsa, ony da jariialaityn bolamyz...
Qanat Bırlıkūly
Adyrna ūlttyq portaly
