Atyraýda erebraldy sal aýrýyna shaldyqqan 13 jastaǵy qyzdy zorlamaq bolǵan er adamǵa qatysty sot úkimi shyqty, dep habarlaıdy «Adyrna» tilshisi.
Oqıǵa 2022 jyldyń 6 jeltoqsanynda bolǵan. Buǵan deıin jaspóspirimniń anasy qyzyn kólikte qaldyryp, ózi dúkenge birneshe mınýtqa kirip ketkenin aıtqan edi. Dúkennen shyqqanda kóligin tappaı qalǵan. Patrýldik polıııa basqarmasynyń qyzmetkerleri urlanǵan kólikti Atyraý qalasyndaǵy «Avangard» shaǵynaýdanynan tapqan. Kólikti 1988 jylǵy er adam urlap áketken.
Polıeıler kóliktiń júk salǵysh bóliginen kúdiktini ustady. Mamandar er adamnyń ústinde kıimi bolmaǵanyn málimdedi. Al kólik salonynda 13 jastaǵy jasóspirim bolǵany anyqtaldy.
2023 jyldyń maýsym aıynda Atyraý oblysynyń qylmystyq ister jónindegi mamandandyrylǵan aýdanaralyq soty er adamǵa úkim shyǵardy. Ol zorlaý áreketi jáne avtokólikti aıdap áketý boıynsha kináli dep tanyldy.
Oblystyq sottyń baspasóz qyzmeti bul istiń jabyq sot otyrysynda qaralǵanyn atap ótti. Sondyqtan istiń mán-jaıy jarııa etilmedi.
«Sottalýshynyń kinási kámeletke tolmaǵan jábirlenýshiniń jáne onyń zańdy ókiliniń, kýágerlerdiń aıǵaqtarymen, oqıǵa bolǵan jerdi tekserý hattamasymen, saraptama qorytyndylarymen tolyq dáleldendi.
Aıyptalýshy ózi kinásin moıyndady. Sot úkimimen er adam 17 jylǵa bas bostandyǵynan aıyrý jazasy taǵaıyndaldy. Sot úkimi zańdy kúshine endi»,—delingen habarlamada.
