12 mamyr kúni vıe-premer Qanat Bozymbaev Atyraý qalasyndaǵy sý tasqynyna qarsy qurylystardy tekserip, eki sý arnasynyń jumysymen tanysty. Bul týraly primeminister.kz jarııalady, dep habarlaıdy “Adyrna” ulttyq portaly.
Málimet boıynsha, tekserilgen alǵashqy nysan 32 shaqyrymǵa sozylǵan «Sokolok» arnasy boldy, ol Jaıyq ózeniniń úlken sý aǵysyn Atyraýǵa qaraı baǵyttaýǵa arnalǵan. «Sokolok» qalany aınalyp ótip, Jaıyq pen Kaspıı teńizin qosady jáne sekýndyna 100 tekshe metr sý qabyldaı alady. Sondaı-aq vıe-premer uzyndyǵy 24 shaqyrym bolatyn jańa arnanyń jumysyn tekserdi.
Budan ári Qanat Bozymbaev táýlik boıy kezekshilik uıymdastyrylǵan qaladaǵy qaýipti ýchaskelerge bardy. Atyraýdy qorǵaıtyn bógetterdiń jalpy uzyndyǵy – 252 km.
12 mamyrda qaladaǵy sý deńgeıi 1 sm-ge kóterilip, 539 sm-ge jetti, shektik belgi – 550 sm. Atyraýda sý tasqynynyń sharyqtaý shegi shamamen 4-5 kúnnen keıin bolady dep boljanyp otyr. Osyǵan baılanysty vıe-premer jaǵalaýdyń sý shaıyp ketetin jerlerinde bógetterdi nyǵaıtýdy, atap aıtqanda olardy geotekstıldermen jáne beton bloktarmen nyǵaıtýdy tapsyrdy.
