Memleket basshysy Qasym-Jomart Toqaev jáne Abaı oblysynyń ákimi asa kórnekti memleket jáne qoǵam qaıratkeri, mádenıettanýshy, shyǵystanýshy ǵalym, I dárejeli «Barys» ordeniniń ıegeri, dıplomat Murat Muhtaruly Áýezovtiń dúnıeden ótýine baılanysty onyń otbasy men jaqyn týystaryna kóńil aıtty, dep habarlaıdy “Adyrna” ulttyq portaly.
“Murat Muhtaruly ult rýhanııatynyń alǵa basýyna, qazaq ǵylymynyń kókjıegin keńeıtýge bar sanaly ǵumyryn arnaǵan zııaly, parasatty tulǵa edi. Qazaq ádebıeti men mádenıetin, tarıhyn tereń zerdelep, sońyna ólsheýsiz mol mura qaldyrdy. Qazaqstannyń halyqaralyq dárejedegi bedeliniń artýyna óziniń saıası-qoǵamdyq isterimen zor úles qosty. Ǵıbratty ǵumyr keship, kemel de kemeńger áke jolyn laıyqty jalǵaǵan Murat Muhtarulynyń jarqyn beınesi men qadirli esimi halqymyzdyń júreginde máńgi saqtalady. Marqumnyń ımany salamat, jany jánnatta bolsyn”, – dep jazylǵan Prezıdent jedelhatynda.
Abaı oblysy ákiminiń kóńil aıtýy ákimdiktiń Facebook-tegi paraqshasynda jarııalandy:
«Belgili jazýshy, mədenıettanýshy-ǵalym, Qazaqstan Respýblıkasynyń eńbek sińirgen qaıratkeri Murat Muhtaruly Əýezovtiń qaıtys bolǵany týraly sýyq habardy zor kúızelispen qabyldap, barsha Abaı eliniń atynan otbasy men jaqyndaryna qaıǵyra kóńil aıtamyn. Murat Muhtaruly ulttyq mədenıetimizdiń damýy men halqymyzdyń rýhanı kemeldenýine eńbek sińirgen qaıratker, asyldyń synyǵy, tektiniń jalǵasy bolǵan dara tulǵa edi. Ol ómiriniń sońyna deıin qoǵamdyq sharalarǵa belsene aralasyp, ózine ǵana tən azamattyq ustanymyn kórsete bildi. Murat Muhtarulynyń qundy shyǵarmalary, ıgi isteri men jarqyn beınesi qazaq eliniń jadynda məńgi saqtalary anyq. Marqumnyń jatqan jeri jaryq, topyraǵy torqa, ımany salamat bolsyn” dep jazdy Nurlan Uranhaev.
