Fýtboldan 2024 jylǵy Eýropa chempıonatynyń tusaýkeser oıynynda Germanııa quramasy Shotlandııadan 5:1 esebimen basym tústi, dep habarlaıdy “Adyrna” ulttyq portaly.
Mıýnhendegi (Germanııa) «Alıan Arenada» 2024 jylǵy fýtboldan Eýropa chempıonatynyń ashylý matchy ótti.
Birinshi taımnan keıin Býndestım 3:0 esebimen alǵa shyqty.
Eýro-2024-tegi alǵashqy goldyń avtory Germanııa quramasynyń ósip kele jatqan juldyzy - 21 jastaǵy jartylaı qorǵaýshy Florıan Vırt boldy.
19-mınýtta Kaı Haver qaqpa baǵanasynyń dál astynan tepken Djamal Mýsıalǵa nátıjeli pas berdi.
Birinshi taımnyń aıaǵynda Ilkaı Gıýndogan qarsylastyń aıyp alańyndaǵy shópte jaraqat aldy. VAR tekserisinen keıin tóreshi Shotlandııa qaqpasyna penaltı belgiledi, ony Kaı Haver sátti oryndady. Bul rette shotlandııalyq qorǵaýshy Raıan Porteýs qyzyl qaǵaz aldy.
68-mınýtta Chempıondar lıgasynyń fınalısti Nıklas Fıýllkrýg tórtinshi goldy soqty.
76-mınýtta Fıýllkrýg taǵy da gol soqty, biraq tóreshi ofsaıdqa baılanysty goldy eseptemedi.
Al 87-mınýtta Antonıo Rıýdıger óz qaqpasyna gol soǵyp, avtogol jasap Germanııa quramasyn taza jeńisten aıyrdy.
Dese de Býndestım sońǵy mınýttarda Shotlandııaǵa besinshi goldy soqty.
Germanııa men Shotlandııadan bólek A tobynda Vengrııa men Shveıarııa da bar.
Esterińizge sala keteıik, Eýropa chempıonaty Germanııada 14 maýsym men 14 shilde aralyǵynda ótedi.
Eýropa chempıonatynyń toptyq kezeńiniń matchtary úsh ýaqyt aralyǵynda bastalady: Astana ýaqyty boıynsha 18:00, 21:00 jáne 23:55.
