Japoniianyŋ Aiti-Nagoia qalasynda ötken V Aziia Para oiyndarynda Qazaqstan qūramasy 50 medal ielendı, dep habarlaidy “Adyrna” ūlttyq portaly.
Onyŋ ışınde 12 altyn, 16 kümıs jäne 22 qola jülde bar. Jalpykomandalyq esepte Qazaqstan toǧyzynşy orynǧa tūraqtady.
Biyl jarysta Qazaqstan namysyn 12 sport türınen 150 sportşy qorǧady. Otandastarymyz paradziudo, paravelosport, parajüzu, parapauerlifting, jeŋıl atletika, sadaq atu, nysana közdeu, üstel tennisı, parathekvondo, bochcha, arbadaǧy tennis jäne otyryp oinaityn voleiboldan baq synady.
Qazaqstan qūramasy eŋ köp jüldenı paradziudodan jeŋıp aldy. Sportşylar bes altyn, bır kümıs jäne jetı qola medal ielenıp, osy sport türınen jalpykomandalyq esepte bırınşı orynǧa şyqty.
Al parathekvondo, bochcha jäne arbadaǧy tennisten qazaqstandyq sportşylar jüldegerler qatarynan körıne almady.
Dene mümkındıgı şekteulı adamdarǧa arnalǧan sporttyq daiarlyq ortalyǧynyŋ direktory Bolatbek Döketaevtyŋ aituynşa, biylǧy oiyndar Qazaqstan qūramasy üşın nätijelı boldy.
«2023 jyly Hanchjouda ötken IV Aziia Para oiyndarynda sportşylarymyz segız altyn, 12 kümıs jäne 21 qola medal jeŋıp alǧan edı. Biyl qūramamyz 12 altyn, 16 kümıs jäne 22 qola jüldege ie boldy. Osylaişa, aldyŋǧy oiyndarmen salystyrǧanda altyn medal sanyn törtke, al jalpy jülde sanyn toǧyzǧa arttyrdyq», – dedı ol.
Sonymen qatar Qazaqstan qūramasy Aziia Para oiyndarynyŋ tarihynda alǧaş ret üstel tennisı men sadaq atudan medal jeŋıp aldy.
Būdan bölek, qazaqstandyq sportşylar bırneşe rekord jaŋartty. Erkın Ǧabbasov pen David Degtiarev Para Aziia oiyndarynyŋ rekordtaryn jaŋartsa, Diias Kenjebek pen Aisūlu Süleimenova özderınıŋ sporttyq synyptarynda Aziia rekordtaryn ornatty.
Bolatbek Döketaev būl jetıstıkterge parasportty memlekettık deŋgeide qoldau, sportşylardyŋ tabandylyǧy men qajyrly eŋbegı, jattyqtyruşylardyŋ käsıbi şeberlıgı jäne jüielı daiyndyqtyŋ arqasynda qol jetkızılgenın atap öttı.
