PepsiCo-nyń Almaty oblysynda jańa zaýyt qurylysyna ınvestıııa salýdy josparlap otyr. Bul týraly Premer-Mınıstr Oljas Bektenov pen PepsiCo-nyń Ortalyq Azııa, Reseı, Belarýs jáne Kavkaz aımaǵyndaǵy prezıdenti Devıd Manzınıdiń kezdesýinde belgili boldy, dep habarlaıdy “Adyrna” ulttyq portaly.
QR úkimetiniń baspasóz qyzmetiniń habarlaýynsha, «Lays kartop chıpsy» sııaqty tanymal ónimderdi shyǵarýdy qamtıtyn joba oblystaǵy eń iri jobaǵa aınalady jáne 350 bilikti jumys ornyn qurýdy kózdeıdi.
2026 jyly ashylýy josparlanǵan zaýyt qorshaǵan ortaǵa tıgizetin áserin barynsha azaıtý úshin ozyq tehnologııany, sonyń ishinde qaldyqtardy 100 paıyz qaıta óńdeýdi qoldanady. Kásiporyn 2026 jyldan bastap jergilikti shıkizatty, onyń ishinde jyl saıyn 66 myń tonnaǵa deıin kartop satyp alýdy kózdep otyr. Onyń qýattylyǵy jylyna 16 myń tonna daıyn ónimdi quraıdy, keıinnen 2027 jyldan bastap 21 myń tonnaǵa deıin ósedi.
Daıyn ónim Ortalyq Azııa men odan tysqary elderdiń naryqtaryna jetkiziletin bolady. Qurylys kezeńinde myńǵa deıin adam tartylady, jobanyń ózi bilikti jumys ornyn qurýdy josparlaýda.
Zaýyt qurylysy úkimettiń erekshe baqylaýyndaǵy basym ınvestıııalyq jobalar tizimine engizilgen.
Joba Qazaqstannyń PepsiCo sııaqty mańyzdy ınvestıııalyq seriktestermen uzaq merzimdi yntymaqtastyǵynyń mańyzdylyǵyn kórsetedi jáne eldiń ekonomıkany ártaraptandyrý jáne tamaq ónerkásibin damytý jónindegi strategııalyq maqsattaryna beıimdeledi.
