Qazaqstandyq model Gülsezım Altaibekova Bali aralynda ūstalǧany turaly aqparat tarady, dep habarlaidy "Adyrna" ūlttyq portaly.
Oǧan Resei blogerı Karina Fadeevaǧa barda şabuyl jasady degen küdık taǧylǧan. Būǧan deiın äleumettık jelılerde Altaibekovanyŋ tergeu jürıp jatqan aralyqta 60 künge qamalǧany habarlanǧan.
Blogerdıŋ aituynşa, Altaibekovamen kikıljıŋ Karina Gülsezımge Ukrainanyŋ muzykasyn tyŋdamauyn eskertken kezde tuyndaǧan. Sol sätte Gülsezım «Slava Ukraine» dep jauap bergen, odan keiın töbeles bastalǧan. Oqiǧa barysynda Karina Fadeeva basyna zaqym alyp, esın joǧaltqan. Basyndaǧy jaraqatty tıguge tura kelgen.
Qazaqstannyŋ syrtqy ıster ministrlıgınıŋ resmi mälımetınşe:
«Qazaqstan Respublikasynyŋ Syrtqy ıster ministrlıgı İndoneziiada qazaqstandyq azamatşa ūstalǧanyn bıledı. Oqiǧanyŋ män-jaiy men qylmystyq prosessualdyq derekter jariialanbaidy. Prosessualdyq märtebe men qoldanylatyn şaralar tek İndoneziianyŋ tiıstı organdary men ūlttyq zaŋnamasyna säikes anyqtalady», - dep jazylǧan.
Syrtqy ıster ministrlıgı Qazaqstannyŋ İndoneziiadaǧy elşılıgı azamatqa özınıŋ qūzyretı şegınde konsuldyq-qūqyqtyq kömek körsetıp jatqanyn habarlady.
