Semeıde «órmekshi adam» jylý jelileriniń qubyrlaryna órmeleý kezinde beınejazbaǵa túsip qaldy, dep habarlaıdy «Adyrna» tilshisi Polisia.kz-ke silteme jasap.
Oqıǵa ornyna ýchaskelik polıııa ınspektory birden kelgen. Ol «sýperqaharmannyń» qaýipsizdigine alańdaýshylyq tanytatynyn aıtyp, odan bıikten túsýin suraǵan.
Polıııa qyzmetkeri Dastan Jaqpanov «órmekshi adamnyń» nebári 16 jasta ekenin bilgende, ony úıine aparyp tastaǵan.
Anasynyń qatysýymen jasóspirimmen profılaktıkalyq áńgime ótkizilip, mundaı oıyndardyń óte qaýipti ekendigine nazar aýdaryldy.
Aıta keteıik, buǵan deıin májilismen Rýslan Berdenov astanalyq Abý Dabı Plaza shatyryna shyǵyp, Betmenniń beınesinde vıdeo túsirgen edi.
<
