Semei äkımdıgınde pedagogtardyŋ qalalyq senbılıkke qatysuy turaly tüsınıkteme berıldı. Semei qalasy äkımınıŋ orynbasary men bılım bölımınıŋ basşysy jurnalisterge būl mäseleden qorqatyn tügı de joq ekenın aitty, dep habarlaidy "Adyrna" ūlttyq portaly.
Esterıŋızge sala keteiık, Arnapress.kz portaly Semeide köşe sypyryp jürgen mūǧalımder turaly habarlaǧan bolatyn. Portaldyŋ redaksiiasynyŋ qarauynda qala äkımınıŋ orynbasary Dmitrii Garikov qol qoiǧan senbılık künın ūiymdastyru turaly hat boldy. Onda äkımdıktıŋ bölım basşylaryna menşık nysanyna qaramastan barlyq mekemeler men käsıporyndardyŋ senbılıkke şyǧuyn ūiymdastyru tapsyryldy. Dau-damaidan keiın äkım orynbasary qol qoiǧan qūjatqa jäne mūǧalımderdıŋ erıktı senbılıkke qatysuyna qatysty tüsınıkteme berdı.
Äkımdıktıŋ sözıne sensek, är mūǧalım senbılıkke "öz erkımen" şyǧypty. Qala parkterın, baqandai 15 köşe men üilerdıŋ aulalaryn sypyruǧa bır mezette myŋdaǧan adam "qūlşyna" şyǧypty. Äsırese, mūǧalımder.
Äkımnıŋ orynbasary Dmitrii Garikovtıŋ aituynşa, mūǧalımderge "köşe sypyr" dep eşkım nūsqau bermegen. Bärı "öz erıkterımen", "ūjym bolyp", "sanaly türde" şyqqan.
- Eger bız mūǧalımderdı senbılıkke bır ret qana tartsaq, onda äkımdık qyzmetkerlerı apta saiyn derlık şyǧady. Men būl jerde eşqandai problemany körmeimın. Būl bızdıŋ qala, bız oǧan qoldau körsetemız. Semeidıŋ kez kelgen patrioty senbılıkke quana — quana şyǧady dep oilaimyn. Būl senbılıkter bızde būryn da ötkızıldı, ötkızıledı, alda da ötkızıletın bolady, osyny taǧy da atap ötkım keledı, — dedı Dimitrii Garikov.
Semei qalasynyŋ bılım bölımınıŋ basşysy Nataliia Fesenko bolsa, senbılıkke qatysu mūǧalımderge tän funksiia emes ekendıgımen kelıstı. Sonymen qatar, ol senbılıkke qatysu turaly soŋǧy şeşımdı mektep direktorlary qabyldaǧanyn jäne pedagogtardy eşkım sypyrǧyş pen tyrma aluǧa mäjbürlemegenın atap öttı.
- Keibır BAQ-tar senbılık turaly būrmalanǧan aqparat taratty. Söitıp, köp adamdy adastyrdy. Senbılık kezınde sabaq bolmai qalǧan joq. Jospardaǧy tärtıppen oqu üderısı jürdı. Senbılık turaly habardy direktorlar jariialady. Al eger mūǧalımder senbılıkke şyqqysy kelse, onda tūrǧan eşteŋe joq. Ärine, eşkımnıŋ mäjbürleuge qūqyǧy joq, - dedı Natalia Fesenko.Äiteuır, sözderınıŋ ūqqanymyz, mūnymyz dūrys bolmady degen şeneunıkter joq. Būǧan qaraǧanda mūǧalımder aula sypyruşylarǧa älı de talai bäsekeles bola bermek. Odan bölek Semei ūstazdaryna qatysty QR Bılım jäne ǧylym ministrı Ashat Aimaǧambetov äleumettık jelıde öz narazylyǧyn bıldırgen bolatyn. Ministr mūǧalımderdı erekşe funksiialarǧa tartuǧa 2019 jyldyŋ jeltoqsanynda qabyldanǧan zaŋmen tyiym salynǧanyn eske saldy. Sodan berı mūndai zaŋ būzuşylyqtar üşın 200-ge juyq basşy jūmystan bosatylǧanǧa deiın jazalandy.
- Mūǧalımdı mındetıne kırmeitın jūmystarǧa tartuǧa zaŋ tyiym salady. Būl zaŋ 2019 jyly jeltoqsan aiynda qabyldanǧan edı. Mūǧalımder tek qana tıkelei qyzmetımen ainaluy kerek ekenın tüsınetındei uaqyt öttı. Mūndai zaŋ būzuşylyq üşın ekı jüzge tarta basşylar jauapqa tartylǧan. Bırazy tärtıptık jäne äkımşılık jazaǧa tartylsa, bırazy jūmysynan quyldy", — dep aşu şaqyrǧan bolatyn Aimaǧambetov.
Ministr Memlekettık qyzmet ısterı jönındegı agenttıkke qajettı şara qoldanu üşın şaǧymdanatynyn, qalanyŋ bılım beru bölımderı basşylarynyŋ da jauapqa tartylatynyn eskertken.
Eske sala keteiık, būǧan deiın Ashat Aimaǧambetov mektep direktorlaryn auystyruǧa da qūzyry joq ekenın, bılım basqarmalary men mektepter tıkelei jergılıktı äkımdıkterge qaraitynyn aitqan. Bılım salasyndaǧy jemqorlyq, tamyr-tanystyq jäne basqa da keleŋsız jaittardyŋ qylaŋ beruı osydan şyǧyp otyrǧanyn da jetkızgen.
"Adyrna" ūlttyq portaly
Ūqsas jaŋalyqtar
